Tamyz aiynda elimizdiń ońtústik, ortalyq jáne batys óńirlerindegi turǵyndarǵa órt qaýipsizdigin muqiiat saqtaý qajet bolady.
Tótenshe jaǵdailar ministrligi Órtke qarsy qyzmet komiteti tóraǵasynyń orynbasary Marat Hasenov ortalyq kommýnikatsiialar qyzmetinde osyndai úndeý tastady, habarlaidy "Ult aqparat".
«Qazgidromet» málimetteri boiynsha, tamyz aiynda ai boiyndaǵy ortasha temperatýra qalypty bolady. Respýblikanyń basym bóliginde – ortalyq, ońtústik jáne batys óńirlerde aýa temperatýrasy 38 gradýsqa deiin jetedi. Iaǵni, órt qaýipsizdigin joǵary deńgeide saqtaý kerek degen sóz», - dedi komitet tóraǵasynyń orynbasary.
Sondai-aq, ol órt qaýipsizdigin saqtamaý qandai jaýapkershikke soqtyratynyn eske saldy.
«Azamattardy orman men dalada bolǵan kezde órt qaýipsizdigi erejelerin saqtaýǵa úndeimin. Órt qaýipsizdigin saqtamaý Ákimshilik quqyq buzý týraly kodekstiń 336, 337, 410-baptarymen jaza qarastyrylǵanyn eske salǵym keledi», - dedi ministrlik ókili.
