Aýyl sharýashylyǵy ministri Erbol Qarashókeev agroónerkásiptik keshendegi investitsiialyq jobalar pýly jaiynda túsinik berdi, dep habarlaidy QazAqparat.
«2021 jyldyń 11 aiynyń qorytyndysy boiynsha agroónerkásiptik keshenniń negizgi kapitalyna salynǵan investitsiialardyń jalpy kólemi 659,7 mlrd teńgeni qurap, ótken jyldyń osyndai kezeńimen salystyrǵanda 40,5%-ǵa ulǵaidy. Sondai-aq tamaq ónimderi óndirisiniń negizgi kapitalyna salynǵan investitsiialar kólemi 91,2 mlrd teńgeni qurady, bul ótken jyldyń kórsetkishinen 2,6%-ǵa joǵary», - dedi E.Qarashókeev Úkimet otyrysynda.
Aýyl sharýashylyǵy ministrligi jergilikti atqarýshy organdarmen birlesip agroónerkásiptik keshenniń investitsiialyq jobalaryn iske asyrý jónindegi 2021-2025 jyldarǵa arnalǵan jol kartalaryn ázirlep, bekitken bolatyn. Jol kartalaryna sáikes jalpy somasy 4,4 trln teńge bolatyn 934 investitsiialyq jobadan pýl jasaldy.
«Osy jobalar pýlynan negizgi iri baǵyttar aiqyndaldy. Et baǵytynda (bordaqylaý alańdary, reprodýktorlar, soiý tsehtary, et óńdeý zaýyttary) shamamen 1 trln teńge somasyna 301 jobany iske asyrý kózdeldi. Jylyjai keshenderinde 1 trln teńge somasyna 67 jobany iske asyrý josparlanǵan. Sútti mal sharýashylyǵynda 452 mlrd teńge somasyna 186 jobany iske asyrý eskerilgen. Qus sharýashylyǵynda somasy 373 mlrd teńgeni quraityn 47 qus fabrikasyn salý josparlanǵan», - dedi ministr.
Sonymen qatar, ósimdik sharýashylyǵy ónimderin óńdeý salasynda 300 mlrd teńge somasyna 73 jobany iske asyrý qarastyrylǵan.
«5 jyl ishinde qantpen qamtamasyz etý 80%-ǵa deiin jetkiziledi, jalpy somasy 228 mlrd teńgeni quraityn jobalardy iske asyrý josparlanǵan. Qarqyndy baqtar salýda 100 mlrd teńge somasyna 32 jobany iske asyrý kózdelgen. Ózge de baǵyttar aiasynda jalpy somasy 834 mlrd teńgege 225 jobany iske asyrý josparlanǵan, olar sýarý, tuqym sharýashylyǵy, tamaq ónimderin óndirý jáne basqa da baǵyttardaǵy jobalardy qamtidy», - dedi vedomstvo basshysy.
