«AMANAT» partiiasynyń Ortalyq apparatynda «TALQYLAU» dialog alańynyń kezekti otyrysy ótti. Saraptamalyq talqylaý taqyryby: «Joldaý 2022: saiasi reformalardyń jalǵasy».
«AMANAT» partiiasynyń Atqarýshy hatshysy Ashat Oralov bir rettik prezidenttik merzim týraly bastama sýperprezidenttik modelden túpkilikti ketý boiynsha buǵan deiingi qadamdardyń qisyndy jalǵasy ekenin atap ótti.
«Prezidenttik ókilettiktiń merzimin 7 jylda bir kadentsiiaǵa deiin qysqartý Ádiletti Qazaqstannyń saiasi kepili bolady. Osynaý batyl da biregei qadam elimizdiń aldaǵy ýaqyttaǵy saiasi baǵytyna qatysty suraqtardyń jaýabyn tabýǵa múmkindik beredi. Konstitýtsiiaǵa tiisti ózgeristerdi keiinge qaldyrmai, osy jyldyń ózinde-aq engizý qajet dep sanaimyn», – dedi Ashat Oralov.
Májilistegi «AMANAT» partiiasynyń depýtaty Erlan Sairov qoǵamnyń Joldaýdy belsendi talqylaýy ulttyq tutastyqtyń nyǵaiýyna yqpal etedi dep sanaidy.
«Burynǵy júieni joiý úshin prezidenttikti bir merzimge shekteý qajet. Búgingi saiasi reformalardyń negizgi máni – osy. Jeti jyldyq merzimge keletin bolsaq, bul oiǵa alǵan mindetterdi iske asyrý úshin jetkilikti kezeń. Sonymen qatar, biliktiń monopoliialanýyna jol bermeidi. Barlyq salanyń damýynda turaqtylyq paida bolady», – dep atap ótti Erlan Sairov.
Óz kezeginde, qoǵam qairatkeri Ǵalym Baitoq Prezident kezekten tys sailaý jariialaý arqyly batyl qadam jasap otyrǵanyn atap ótti.
«Jeti jyl – qalypty jumys merzimi. Eger qazirgi Prezident osy jyly birden jeti jyldyq merzimge bet alatyn bolsa, onda onyń ókilettigi qaitken kúnniń ózinde 2029 jyly aiaqtalady. Iaǵni, qazirgi normaǵa sáikes 2024 jyly sailaýǵa tússe de solai bolar edi. Iaǵni, onyń ókilettik merzimi is júzinde bir jylǵa da uzarmaidy. Sonymen qatar, prezidentterdiń ókilettik merzimi 10 jyldan 7 jylǵa deiin qysqarady», – dedi ol.
«Prezidenttiń ornyqty ádil memleket qurý jónindegi naqty saiasi maqsaty bar. Bul maqsat reformalardy, sonyń ishinde tanymaldylyǵy joq reformalardy qajet etedi. Ony iske asyrý úshin mandat pen ýaqyt qajet. 7 jyldyq merzim – belgilengen reformalardy júzege asyrý úshin jetkilikti merzim dep esepteimin», – dep atap ótti saiasattanýshy ári qoǵam qairatkeri Danat Jumin.
«TALQYLAU» otyrysynda Májilistegi «AMANAT» fraktsiiasynyń múshesi Ekaterina Smyshliaeva Joldaýdaǵy eldiń ekonomikalyq damýyna qatysty aspektilerge nazar aýdardy.
«Kez kelgen ózgeristiń negizi – myqty ekonomika. Joldaýda aýqymdy áleýmettik-ekonomikalyq blok usynyldy. Bul – reformalardyń jańa tolqyny emes, buǵan deiin belgilengen baǵyttyń qisyndy jalǵasy. Memlekettiń ekonomikadaǵy rólin azaitý, ony monopoliiasyzdandyrý, resýrstardy ádil bólý qadamdary aldaǵy ýaqytta eleýli ekonomikalyq ilgerileýler týraly aitýǵa múmkindik beredi. Ádil qoǵamnyń irgesi qalanady», – dep atap ótti depýtat.
Óz kezeginde, Eýropalyq quqyq jáne adam quqyqtary institýtynyń direktory, professor Marat Báshimov sot-quqyq salasyn reformalaýǵa qatysty óz oiyn bildirdi.
«Sýdia tek sot tóreligimen ainalysýy kerek. Ol kadr máselesine aralaspaýy tiis. Aralasatyn bolsa, sybailas jemqorlyq táýekelderi paida bolady. Prezident revoliýtsiialyq sheshim usyndy. Endi Joǵary Sot Keńesi irikteýmen, oqytýmen, attestattaýmen jáne taǵy basqamen ainalysady. Al sýdialar óz jumysyn isteidi. Tiisinshe, olar atqaratyn jumystyń tiimdiligi artady», – dedi ol.
«Qazaqstannyń Azamattyq Aliansynyń» prezidenti Baný Nurǵazievanyń pikirinshe, osy kúngi ózekti máseleniń biri – memlekettik basqarý júiesin qaita júkteý.
«Biz tek túsindirip qana qoimai, bastamalardy júzege asyrýǵa jáne qoǵamdyq monitoring úderisterine ózimiz de aralasyp, qoǵamdy da jumyldyrýymyz kerek. Jap-jaqsy reformany qolǵa alýǵa bolady. Biraq ony júzege asyrý barysy erekshe nazar aýdarýdy qajet etedi», – dedi Baný Nurǵazieva.
«TALQYLAU» alańnyń moderatory «AMANAT» partiiasy Saiasi keńesiniń múshesi, tanymal telejúrgizýshi Maqsat Tolyqbai boldy.
Eske sala keteiik, «TALQYLAU» dialog alańyn qurý bastamasy «AMANAT» partiiasynyń 1 naýryzda ótken kezekten tys Sezinde partiialyq transformatsiia baǵdarlamasy tarmaqtarynyń biri retinde kóterilgen bolatyn. Alańda sarapshylar, depýtattar, memlekettik organdar men ÚEU ókilderi azamattardy tolǵandyratyn ózekti máselelerdi sheshý jónide usynystar ázirleý úshin turaqty túrde kezdesip otyrady.
