Ortalyq kommýnikatsiialar qyzmeti» respýblikalyq memlekettik mekemesiniń direktory Talǵat Qaliev «QR-da beibit jiyndardy uiymdastyrý jáne ótkizý tártibi» týraly zań jobasyna qatysty pikir bildirdi, dep habarlaidy QazAqparat.
«Zań jobasy týraly sóz qozǵaityn bolsaq, men belgili bir dárejede aralas júiemen kelisemin. Sebebi myńdaǵan adam uiymdastyrýshylardyń qadaǵalaýyna kónbei kete me dep qorqamyn. Biraq ainalyp kelgende nelikten tek 250 azamat bolýy tiis? Olardy kim sanaidy? Olar úshin kim jaýapty bolady? Sonymen qatar daiyn zań turǵanda jýrnalistiń mártebesin aiqyndaýdyń qajeti qansha?» - deidi Talǵat Qaliev elordada zań jobasynyń tujyrymyn talqylaý barysynda.
Talǵat Qaliev óz sózinde Memleket basshysynyń ruqsat berý júiesinen eskertý tártibine ótý týraly tapsyrmasyn eske salyp ótti.
«Meni shynynda da keleshek alańdatady. Biraq bizdiń halyq saýatty ári saiasi turǵyda kemel degen pikirge senemin», - dedi ol.
Eske sala ketsek, QR Aqparat jáne qoǵamdyq damý vitse-ministri Daniiar Esin Ádilet ministrliginde ótken vedomstvoaralyq komissiia otyrysynda «Qazaqstan Respýblikasynda beibit jiyndardy uiymdastyrý jáne ótkizý tártibi» týraly zań jobasynyń tujyrymyn tanystyrǵan bolatyn.
