Almaty oblysy Talǵar aýdanynyń Aqtas aýylynda tandyr nan satyp júrgen er adam janjal kezinde qaza tapty, dep habarlaidy ult.kz.
Aldyn ala málimet boiynsha, eki er adamnyń arasynda sózge kelispeýshilik týyndaǵan. Janjal barysynda kúdikti jábirlenýshini pyshaqpen eki ret uryp, oqiǵa ornynan qashyp ketken. Er adam alǵan jaraqatynan kóz jumdy.
Politsiia 56 jastaǵy kúdiktini ustady. Ol ýaqytsha ustaý izoliatoryna qamaldy jáne kinásin moiyndaǵan.
Jelidegilerdiń aitýynsha, marqum bolǵan azamat ózge adamdarǵa barynsha kómek qylatyn, qoly ashyq azamat bolǵan. Sondai-aq ár juma saiyn tegin nan taratatyn bolǵan.
Atalǵan fakti boiynsha adam óltirý deregimen qylmystyq is qozǵaldy. Tergeý jalǵasyp jatyr.
