Almaty oblysynyń Talǵar aýdanynda 7 jastaǵy qyzǵa kúndiz kóshede shabýyl jasap, ony zorlamaq boldy degen 48 jastaǵy er adam ustaldy, dep habarlaidy ult.kz.
Oqiǵa tórt kún buryn bolǵan. Búldirshin qurbylarynyń úiinen velosipedpen qaityp kele jatqan kezde, er adam ony toqtatyp, velosipediń dóńgeleginiń jeli shyqqanyn aitqan.
Keiin kúdikti qyzdyń aiaǵyn sipap, ony avtobýstyń tasasyna alyp ketpek bolǵan. Sondai-aq kiimin sheshýdi talap etip, aram oiyn júzege asyrýǵa áreket jasaǵan. Alaida qyz qashyp shyǵyp, úiine jetken soń bolǵan jaǵdaidy anasyna aityp bergen.
Búldirshinniń aitýynsha, er adam mas bolǵan. Qyzdyń bergen sipattamasy boiynsha kúdikti anyqtalyp, politsiiaǵa jetkizildi.
Politsiia málimetinshe, atalǵan fakti boiynsha QR Qylmystyq kodeksiniń 124-baby negizinde qylmystyq is qozǵalǵan. Kúdikti qamaýǵa alynǵan. Sonymen qatar onyń buǵan deiin adam óltirgeni úshin sottalǵan bolýy múmkin ekeni aityldy.
Qazir tergeý amaldary júrgizilip jatyr. 7 jastaǵy qyz psihologtardyń baqylaýynda. Ata-anasy kúdiktiniń zań aiasynda qatań jazaǵa tartylýyn talap etýde.
