Taldyqorǵannyń burynǵy ákimi Dastan Shaltabaev Almaty oblysy ákimdiginiń qurylymynda jańa laýazymǵa ie boldy, - dep habarlaidy "Ult aqparat" Tengrinews.kz agenttigine silteme jasap.
Óńir ákimdigi baspasóz qyzmetiniń málimetinshe, Shaltabaev búginnen bastap Energetika jáne turǵyn úi-kommýnaldyq sharýashylyq basqarmasynyń basshysy bolyp taǵaiyndalǵan. Ol ár jyldary óńirdiń Qurylys, sáýlet jáne qala qurylysy basqarmasynyń basshysy, Jambyl aýdany ákiminiń orynbasary, Taldyqorǵan qalasynyń ákimi qyzmetterin atqarǵan. 2022 jylǵy tamyzdan bastap Jetisý oblysy Tutynýshylardyń quqyqtaryn qorǵaý departamentin basqarǵan.
Dastan Shaltabaev qazaqstandyqtar arasynda 2019 jylǵy naýryzda bolǵan janjalǵa bailanysty belgili. Sol kezde politseiler Taldyqorǵannyń eks-ákimi ulynyń 055 QQQ memlekettik nómiri bar Toyota Camry kóligin toqtatqan edi. Al kólikti Shaltabaevtyń ulynyń dosy tizgindegen bolatyn.
Politseiler júksalǵyshty tintý kezinde patrony bar "Baikal" travmatikalyq tapanshasyn, basqa kólikterge tirkelgen eki jup memlekettik nómirdi, bir ratsiia, ainalymǵa túspeitin, nominaly 100 dollar bolatyn kýpiýralardy anyqtaǵan edi.
