Oblys ákimi Danial AHMETOV Almaty oblysymen óńiraralyq yntymaqtastyqty damytý maqsatynda oblys ortalyǵy Taldyqorǵan qalasynda bolyp, qalanyń jańa yqsham aýdanynda boi kótergen Oqýshylar saraiy men Jastar sport saraiynda bolyp, ortalyq jastar saiabaǵyndaǵy, Qaratal ózeniniń jaǵalaýyndaǵy abattandyrý jumystaryn aralap kórdi.
Oblys basshysyna ózderindegi jańashyldyqtardy Almaty oblysynyń ákimi Amandyq BATALOV, onyń orynbasary Serik Turdaliev, Taldyqorǵan qalasynyń ákimi Baǵdat Qarasaev, sondai-aq, sala basshylary tanystyrdy. Shyǵystan kelgen mártebeli meimandarǵa aldymen «Jastar» degen ádemi ataýǵa ie, syrtqy kelbeti de erekshe oilastyrylǵan Jastar sport saraiy kórsetildi.
2010 jyly iske qosylǵan, aýmaǵy 22757 sharshy metr aýmaqty alyp jatqan nysandaǵy sektsiialardyń jumysyn qonaqtarǵa Almaty oblystyq sport basqarmasynyń basshysy Turatbek Sharapiev tanystyrdy. Munda Taldyqorǵannyń talapty jastary úshin sporttyń barlyq túrimen shuǵyldanýǵa múmkindik bar.
Bir mezette 2100-den astam adamdy qabyldai alady. 11 oiyn zalynan bólek, fýtbol alańy, tennis korty, eki voleibol alańy, bir jaǵalaý voleiboly alańy, sonymen birge, fitnes zona, ashana jáne 15 nómirlik qonaqúi bar. Osynyń bárine 135 adam qyzmet kórsetedi. Atap óterligi bul elimiz boiynsha da eń úlken sporttyq nysandardyń birinen sanalady.
Kelesi kezekte oblys ákimi Danial AHMETOV biyl ǵana qoldanysqa berilgen, úsh qabattan, bes korpýstan turatyn, jiyny 52 úiirmesi bar Oqýshylar saraiyna baryp, taldyqorǵandyq oqýshylardyń jetistikterimen tanysty. Onyń direktory Lázzat Esbolova Oqýshylar saraiynyń jumysynan habardar etip, sýret, kórkemóner kórmesimen, keme úlgilerin jasaý synybymen, horeografiia kabinetiniń, hor jáne dombyra synyptarynyń jumystarymen tanystyryp ótti.
Munda sonymen birge, oqýshylar shatyrǵa arnaiy ornatylǵan teleskoptyń kómegimen ǵarysh keńistigin de tamashalai alady. Nysanda úiirmelerge arnalǵan 45 kabinet bolsa, onyń tórteýi sheberhana, segiz zerthana, úsheýi kórme zaly. Odan ózge kontsert, akt, konferentsiia zaldary, mediateka, murajai, dybys jazý stýdiiasy, juldyzdy zal jáne observatoriia qarastyrylǵan. Qysqasy, oqýshylar úshin qosymsha bilim alýǵa barlyq múmkindikter týǵyzylǵan.
Jobalyq qýaty 1800 adamǵa shaqtalǵan sarai basshysynyń aitýynsha, osyndaǵy jańashyldyqtar oblysqa jumys sapary kezinde Memleket basshysyna da tanystyrylǵan eken.
Munan soń Shyǵys Qazaqstan oblysynyń delegatsiiasy osy nysannyń janynda ornalasqan jastarǵa qyzmet kórsetý ortalyǵynda da boldy. Bul jerde Almaty oblystyq ishki saiasat basqarmasynyń basshysy Rýstam Alpysbaev arnaiy qoiylǵan stend arqyly ortalyqtyń qyzmetinen, oblys jastarynyń ómirinen, oblystyq «Jasyl el» shtaby men stýdenttik qurylys jasaǵynyń jumysynan tolyq aqparat usyndy. Danial AHMETOV odan jastarǵa qyzmet kórsetý bóliminiń jumysy týraly surastyryp bildi.
R.Alpysbaevtyń sózinshe, jas otbasy retinde óńirde 128 otbasy baspanaly bolsa, jetim jáne ata-ana qamqorlyǵynsyz qalǵan 160 balaǵa baspana berilipti. «Biznestiń jol kartasy - 2020» baǵdarlamasymen 13 jas kásipkerge 70 mln.-nan astam teńgeniń kómegi kórsetilgen. Tehnikalyq jáne kásiptik bilim berýde 73 kolledjde 32 261 adam qamtylǵan. Biyl on myńǵa tarta adam mamandyq alyp shyqqan. Jastarǵa qatysty barlyq máseleler sheshilip jatatyn bul nysan da biyl qoldanysqa berilipti.
Erekshe atap aitarlyǵy, jastarǵa qatysty bul nysandardyń bári de bir aýmaqta jaqyn ornalastyrylǵan. Ara qashyqtyqtary bes-on minýttan aspaidy. Osyǵan qarap, qala jastaryna barynsha jaǵdai jasalǵanyn birden ańǵarýǵa bolady.
Qaladaǵy ortalyq jastar saiabaǵy da mádeni sharalardyń basym deni ótkiziletin, jastar jii bas qosatyn kórikti jerlerdiń biri. Jaqynda ǵana jańasha talappen zamanaýi úlgide abattandyrylǵan munda qala kúni merekesine orai aqyn Muqaǵali Maqataevqa arnaiy keýde músin de ornatylǵan eken. Sondai-aq, qyz ben jigit eskertkishi, áýendi sý burqaq, balalar dámhanasy, jasandy toǵan, alleia, avtoturaq oryn tepken.
Oblys ákimi Danial AHMETOV qalamen tanysý jumystaryn Qaratal ózeniniń jaǵalaýyndaǵy abattandyrý júrgizilgen, jańadan iske qosylǵan demalys oryndaryn kórýmen qorytyndylady. Bas-aiaǵy bir jarym shaqyrymǵa sozylǵan jaǵalaýda qala turǵyndaryna demalys ýaqyttaryn tiimdi ári qyzyqty ótkizýge barynsha mán berilgen. Tórt oiyn alańy, eki skeitdrom, roldrom, velojol, «Kýpol», «Markiza», «Balerina» ataýlaryn alǵan ádemi shatyrlar, gúlzarlar, júrginshiler joly osy maqsatta qyzmet etýde.
– Taldyqorǵan qalasyna kelmegenime 10 jyldai ýaqyt bolypty. Qala jasaryp, jainap ketken. Qurylys salasynda oń ózgerister bar eken. Jańadan boi kótergen áleýmettik nysandar eldi qyzyqtyrady. Turǵyndarǵa barynsha jaǵdai jasalǵan. Meniń ózime de unady. Máselen, Oqýshylar saraiy, Jastar saraiy, jastarǵa qyzmet kórsetý ortalyǵy siiaqty jańa ǵimarattardy, demalys nysandaryn bizdiń óńirde de salý qajet dep sanaimyn. Bul oblystan úirenerimiz bar. Men Semei qalasynyń ákimine, qurylystaǵy basshylarǵa tiisti tapsyrma berdim. Meniń kómekshilerim arnaiy kelip, barlyǵyn zerdeleitin bolady. Buiyrtsa, aldaǵy birneshe jylda Semei qalasynda osyndai jańa jobalar júzege asatyn bolady. Sonymen qatar, erteń qala kúni. Sondyqtan barsha taldyqorǵandyqtardy tól merekelerimen quttyqtaimyn! - dedi mundaǵy jumys saparyn qorytyndylaǵan oblys ákimi Danial AHMETOV.
Dáýren Allabergenuly
Sýretterdi túsirgen - Ǵylymbek Sábitov.
"Didar" gazeti
