Taldyqorǵan qalasynda 500 myńǵa jýyq meditsinalyq betperde tárkilendi, dep habarlaidy Almaty oblysy politsiia departamenti.
Baspasóz qyzmetiniń málimetinshe, Taldyqorǵandaǵy jer úilerdiń biriniń aýlasynan 250 qorapqa salynǵan meditsinalyq betperde tabyldy. Ár qorapta shamamen 1800-2000 dana maska bolǵan.
Politsiianyń boljamynsha, kúdikti taýardy tiep, odan ári jóneltýge daiyndaǵan.
"Berkýt-162" patrýldik ekipajy aýlalardy aralaý barysynda jasyryn qoimany baiqaǵan. Oqiǵa ornyna jedel-tergeý toby shaqyryldy. 1960 jylǵy jumyssyz azamat ustaldy", - dedi Taldyqorǵan qalasy politsiia basqarmasynyń basshysy politsiia polkovnigi Asqar Nursapa.
Qazir aldyn ala tergeý júrgizilýde.
Tergeý barysynda meditsinalyq maskalardyń qaidan shyqqany, kimge tiesili ekeni jáne qaida tasymaldanbaq bolǵany anyqtalady.
Aita ketsek, úkimet dárihanalarda betperde jetkilikti degenmen, qazaqstandyqtar maska tappai qinalyp júr.
