Almaty oblysy PD ekstremizmge qarsy is-qimyl basqarmasynyń qyzmetkerleri Taldyqorǵan PB qyzmetkerlerimen birge tártipsizdik kezinde oblys ákimdigi ǵimaratyn tonaǵan kúdiktilerdi anyqtady, - dep habarlaidy Tengrinews.kz tilshisi Almaty oblysy PD baspasóz qyzmetine silteme jasai otyryp.
"Júrgizilgen jedel-izdestirý is-sharalary barysynda Taldyqorǵannyń 41, 37 jáne 24 jastaǵy úsh turǵyny ustaldy. Olar 5-7 qańtar aralyǵynda oblys ákimdigi ǵimaratyna zańsyz kirip, turmystyq tehnika urlady. Eki tońazytqysh, eki konditsioner, mýltivarka, keńse oryndyǵy, sý sorǵysy jáne t.b. zattar urlanǵan", - dedi Almaty oblysy PD bastyǵy, politsiia polkovnigi Rýslan Naizabasov.
Eske salaiyq, biyl qańtardyń basynda Taldyqorǵanda jappai tártipsizdik bolǵan edi. Osy oqiǵalar kezinde memlekettik mekeme ǵimaratynan qundy zattar urlanǵan.
"Kúdiktilerge qatysty QR QK 188-baby 3-bóligi boiynsha sotqa deiingi tergeý bastaldy. Qazir bul adamdar kinálaryn moiyndap, ýaqytsha ustaý izoliatoryna qamaldy. Ózge aqparat tergeý múddesine bailanysty jariialanbaidy", - dedi polkovnik Naizabasov.
