Almaty oblysynda COVID-19 juqtyrǵan taǵy 23 adam tirkeldi. Onyń 10-y Taldyqorǵan qalasynda anyqtaldy, - dep habarlaidy "Ult aqparat".
Sondai-aq Qapshaǵai qalasynda – 8, Qarasai, Panfilov, Alakól aýdandarynda – bir-bir jaǵdaidan jáne Tekeli qalasynda 2 naýqas tirkeldi.
14 adam – koronavirýs diagnozy qoiylǵan naýqastarmen bailanysta bolǵandar, 9-ynyń indeti profilaktikalyq tekserý barysynda anyqtaldy.
Barlyǵy buǵan deiin oqshaýlandyrylǵan. Qazirgi ýaqytta juqpaly aýrýlar bólimine aýystyryldy.
Epidemiologiialyq tekserýler jalǵasýda.
30 mamyrdaǵy jaǵdai boiynsha jalpy Almaty oblysynda infektsiia juqtyrǵan 349 adam tirkelgen. Onyń 180-i indetten jazylyp shyqty.
Esterińizge sala keteiik, Almaty oblysynda koronavirýske shaldyqqan alǵashqy naýqas 21 naýryzda anyqtaldy. Ol kezde Mekkeden ushyp kelgen Qarasai aýdanynyń 1986 jylǵy turǵyny densaýlyǵyna shaǵymdanyp, dárigerlerge habar bergen edi. Alynǵan synama koronavirýske oń nátije kórsetken.
Al Taldyqorǵanda indet 14 mamyrda tirkeldi. Elimizde tótenshe jaǵdai jariialanǵan sátte virýstan aman bolǵan oblys ortalyǵynda qazir karantin jalǵasyp, sanitarlyq beketter jumystaryn jalǵastyrýda.
