Taldyqorǵanda 15 jasar jetkinshek on kúnnen beri tabylmai jatyr, dep habarlaidy "Ult aqparat".
Taldyqorǵan qalalyq politsiia basqarmasy 2005 jyly týǵan Ádilet Maqsatuly Núsipbaevqa izdeý jariialaidy. Ol 12 tamyzda úiinen belgisiz baǵytta ketip, qaityp oralmaǵan.
Joǵalǵan balaǵa tán belgiler: boiy - 160-165 sm, dene bitimi ortasha, kelbeti - aziialyq, óńi ashyq, shashy qysqa, kózderi qara-qońyr, betinde kishkentai týa bitken daqtar bar.
Ústine kók tústi sporttyq triko, qara tústi fýtbolka jáne qońyr tústi jeńil aiaq kiim kigen.
Jasóspirim nemese onyń mekenjaiy týraly qandai da bir aqparat bolsa, myna telefondarǵa habarlaýǵa bolady: 8 (7282) 608066, 8-707-971-89-23 nemese 102.
Qazirgi ýaqytta jasóspirimdi izdeý jumystaryna Taldyqorǵan qalasy PB jeke quramy, jaqyn ornalasqan qalalar men oblystyń politsiia organdarynyń bólimsheleri, sondai-aq eriktiler men qoǵam ókilderi jumyldyrylǵan.
