Almaty oblysynyń Tótenshe jaǵdailar departamenti Taldyqorǵan men kórshiles aýyldardyń turǵyndary estigen jarylysqa uqsas dybys neden bolǵanyn túsindirdi, - dep habarlaidy Tengrinews.kz.
Áleýmettik jelide qatty jarylys týraly aqparat paida boldy, ony Almaty oblysyndaǵy aýyl turǵyndary estigeni aitylǵan. Keibir qoldanýshy Taldyqorǵan mańynda ushaq apatqa ushyrady degen boljam jasady.
Oblystyq Tótenshe jaǵdailar departamenti alańdaýǵa negiz joq dep sendirdi. Dybys aýmaqtyń ústinen ushyp ótken áskeri ushaqtan shyqqan. Sondai-aq vedomstvo "112" nómirine kómek qajet ekenin eshkim habarlaspaǵanyn atap ótti.
"Aldyn ala málimet boiynsha, áskeri ushaq ushyp ótip, qozǵaltqysh forsajyn qosqan, iaǵni jyldamdyqty kúrt údetken, sonyń nátijesinde qatty tarsyl daýsy shyqqan. Ol qaladan ushyp ótti, al bizdiń áýejai qaladan tys jerde. Men ózim de soǵan qaradym, bizdiń ǵimarattyń 5-qabatyna kóterildim. Shatyrdan qaraimyn - tútin joq, eshteńe bolmaǵan", - dep túsindirdi Almaty oblysy TJD daǵdarys jaǵdailary basqarmasynyń bastyǵy Pavel Sachkov.
