Kórneki foto: pixabay.com
Endi UBT-ǵa tirkelgen talapkerler testileýdiń kúni, ýaqyty men ornyn eske salatyn SMS-habarlama alady, dep habarlaidy QR ǴJBM Ulttyq testileý ortalyǵy.
UBT-ǵa tirkelgen árbir talapkerge app.testcenter.kz resmi saityna tirkelý kezinde kórsetilgen telefon nómirine SMS-habarlama jiberiledi. Sondai-aq mundai habarlamalar kámeletke tolmaǵan test tapsyrýshylardyń ata-anasyna nemese zańdy ókilderine de joldanady.
"UBT tapsyratyndar testileý ótkiziletin kúndi, ýaqytty jáne oryndy umytyp ketýi nemese shatastyryp alýy múmkin. Ásirese, tirkelý barysynda birneshe ret ózgertý engizetin talapkerler arasynda osyndai jaǵdailar kezdesip turady. Birde-bir talapker mańyzdy emtihandy jiberip almaýy úshin Ulttyq testileý ortalyǵy UBT ótetin kúnnen bir kún buryn árbir testilenýshiniń nómirine SMS-habarlama jiberedi", - deidi Ulttyq testileý ortalyǵynyń direktory Rýslan Emelbaev.
Ortalyq aqparatynsha, SMS-habarlama qyzmeti testileý protsesiniń barlyq qatysýshysy úshin barynsha aiqyndyq pen yńǵailylyqty qamtamasyz etýge baǵyttalǵan.
Esterińizge sala keteiik, talapkerler testileý týraly málimettermen UTO saityndaǵy jeke kabinette nemese UTO qosymshasy arqyly tanysa alady.
