Qazaqstanǵa vizasyz rejimde kire alatyn memleketterdiń tizimi 12 elmen tolyqty. Bul týraly «Kazakh Tourism» ulttyq kompaniiasynyń marketing jáne kommýnikatsiialar departameniniń aǵa menedjeri Baqyt Toptaeva málim etti, dep habarlaidy "Ult aqparat".
«Ońtústik-Shyǵys Aziia, atap aitqanda Vetnam, Indoneziia, Filippin, Tailand, sonymen qatar Bahrein, Oman, Kýveit, Saýd Arabiiasy jáne Katar siiaqty birneshe arab elderiniń azamattary budan bylai Qazaqstanda 30 kúnge deiin vizasyz tura alady. 12 eldiń tizimine sonymen birge Vatikan, Lihtenshtein jáne Kolýmbiia da kirdi. Atalǵan elderge vizasyz rejim 30 qyrkúiekten bastap kúshine enedi. Al jalpy 76 eldiń azamattary Qazaqstanǵa vizasyz rejimde kelýge quqyly», - dep habarlaidy Baqyt Toptaeva.
Ulttyq kompaniia ókiliniń aitýynsha, 18-20 qyrkúiek aralyǵynda Qazaqstan astanasynda Halyqaralyq RATA Travel Mart týristik kórmesi ótken. Aziia jáne Tynyq muhity aimaǵyndaǵy týrizm indýstriiasynyń negizgi oiynshylary, sonymen qatar Eýropa, Afrika jáne Amerikadaǵy týroperatorlar Qazaqstannyń áleýetine oń baǵa berip ketken.
Týristik qaýymdastyqtyń jergilikti ókilderimen ótkizilgen B2B kezdesýleriniń nátijesinde jańa týristik ónimderdi nasihattaý boiynsha yntymaqtastyq týraly aldyn ala kelisimder jasaldy. Shara qatysýshylary Qazaqstanda vizasyz rejimniń keńeiýi týraly bul jańalyqty qýana qabyldaǵan.
