«Samuryq-Qazyna» AQ kompaniialar tobynyń qoldaýymen elimizdiń bes oblysynda bastaý alǵan «Tabysty otbasy» jobasy aiasynda bir ailyq oqý aiaqtalyp, 114 qatysýshyǵa sertifikattar tabystaldy.
Kompaniialar tobynyń biryńǵai qaiyrymdylyq operatory – «Samruk-Kazyna Trust» áleýmettik jobalardy damytý qory bas direktorynyń orynbasary Serǵoja Qaliasqarov pen «Tabysty otbasy» jobasynyń ambassadory Aijani Nurlanova Aqtóbe oblysy Qobda aýylynda bilim alǵan qatysýshylarǵa sertifikattar tapsyrdy. Sondai-aq, «Tiginshi» jáne «Avtoelektrik» baǵyttary boiynsha oqyǵan turǵyndarmen tildesti.
«Oqý joǵary deńgeide ótip, avtoelektrik mamandyǵyn meńgerdim. Endi avtokólik sheberhanasyn ashyp, aýyldyń damýyna úles qosqym keledi», - deidi Áliia aýylynyń turǵyny Orynǵali Qabdyrahman.
Al Qobda aýylyndaǵy kópbalaly ana Barshagúl Berdibaeva «Tiginshi» kásibin igerdi. Ol da endi shaǵyn tigin tsehyn ashýǵa nietti.
«Tabysty otbasy» jobasy 1 jeltoqsanda Abai, Jetisý, Ulytaý, Túrkistan jáne Aqtóbe oblystarynda halyqtyń osal top ókilderin oqytý maqsatynda iske qosyldy. Olar tigin isi, avtoelektrik, konditerlik ónimder, sán salasy jáne áleýmettik media menedjeri siiaqty bes beiindik baǵyttyń biri boiynsha oqýdan óte alady. Basty erekshelik – belsendi qatysýshylarǵa jeke kásip ashýǵa kómek qural-jabdyq túrinde qaitarymsyz beriledi.
Jalpy áleýmettik jobalardy damytý qory 2016 jyldan bastap densaýlyq saqtaý, bilim berý, óńirlerdi, buqaralyq sportty damytý, osal top ókilderin qoldaý baǵyttarynda jalpy quny 66,7 mlrd teńge bolatyn 304 jobany júzege asyrdy. Bastamalar barysynda 2,2 mln adam qamtyldy. Biyldyń ózinde 9,9 mlrd teńgeniń 42 jobasy maquldandy. Oǵan qatysqan 370 myńnan astam adamnyń ishinde 95 myń aýyl turǵyny, 55 myń bala bar.
Qor áljýaz toptardy qoldaýǵa mán beredi. 2016-2022 jyldary 3,8 mlrd teńgege 55 joba maquldandy. Osylaisha turmystyq zorlyq-zombylyqtan zardap shekken áielderge arnalǵan senim ortalyǵyn, inkliýzivti qoldaý keńsesin, áleýmettik osal toptardaǵy 400 adamǵa tegin kásibi kýrstar, Daýn sindromy bar balalarǵa ortalyq, 1100 balaǵa beiimdelgen sport sektsiialaryn ashýǵa jaǵdai jasaldy.
Inkliýzivti bilimge de kóp kóńil bólinedi. Sońǵy alty jylda 9 psihologiialyq-pedagogikalyq túzetý, 25 inkliýzivtik bilim berý kabineti, 43 ámbebap inkliýzivtik sport alańy jumysyn bastap, 3 ońaltý ortalyǵy qaita jabdyqtaldy.
Al memlekettik tildi nasihattaý baǵytyndaǵy jumystarǵa 378,5 mln teńge jumsalyp, 12 joba maquldandy. Onyń ishinde «Qara sózder» illiýstratsiialyq kitabynyń 5000 danasyn shyǵarý, 107 jasóspirimge sheshendik ónerden kýrs ótkizý, «Mektep online» portalynda 3885 beineoqýlyq daiyndaý, «soyle.kz», «resmihat.kz» tegin portaldaryn júrgizý bar.
