Abý-Dabide Islam yntymaqtastyǵy uiymy (IYU) Syrtqy ister ministrleri keńesiniń 46-sessiiasy jumysyn bastap, oǵan Syrtqy ister ministri Beibit Atamqulov bastaǵan Qazaqstan delegatsiiasy qatysýda. Forýmnyń qarsańynda Qazaqstan SIM basshysy IYU Bas hatshysy Iýsef ál-Oseiminmen kelissózder ótkizdi.
Kezdesý barysynda taraptar islam álemindegi saiasi jáne ekonomikalyq ómirdiń eń ózekti máseleleri boiynsha ustanymdaryn teńestirdi. Álemdik turaqtylyqty saqtaýǵa, ekonomikalyq jáne gýmanitarlyq bailanystardy keńeitýge baǵyttalǵan Qazaqstan Prezidenti Nursultan Nazarbaevtyń bastamalaryn júzege asyrýǵa asa kóńil bólindi.
IYU Bas hatshysy Qazaqstan jáne onyń kóshbasshysynyń Uiymnyń qyzmetin qoldaýdaǵy, múshe memleketterdiń arasyndaǵy senim men ózara qarym-qatynas atmosferasyn nyǵaitýdaǵy rólin joǵary baǵalady. IYU qyzmetinde 2016 jyly Qazaqstan men Túrkiia Prezidentteri usynǵan Islamdyq tatýlasý bastamasyn iske asyrý máselesi erekshe oryn alady. Bul kontseptsiia IYU-ǵa múshe elder arasynda túrli kelispeýshilikterdi retteý úshin keń jáne ikemdi platforma qurýdy kózdeidi. Osyǵan bailanysty taraptar osy baǵyttaǵy birlesken jumystyń naqty sharalar kesheni boiynsha kelisti.
2019 jyly Astanada Azyq-túlik qaýipsizdik jónindegi islam uiymy Bas assambleiasynyń ekinshi otyrysy ótedi. Bul uiymdy qurý bastamashysy retinde Elbasy N.Nazarbaev bolyp tabylady. Qysqa merzim ishinde bul qoǵamdastyqqa Qazaqstan IYU elderiniń azyq-túlik haby jáne agroónerkásiptik saiasatty josparlaý ortalyǵy bola alady dep sanaityn 32 memleket qosyldy. IYU Hatshylyǵy men Islam damý banki (IDB) Qazaqstan jáne basqa eldermen birlesip, bizdiń «Islamdyq infraqurylymdyq yqpaldastyq» atty bastamamyzdyń is júzinde iske asyrylýy boiynsha jumys júrgizip keledi. Osy maqsatta IDB «Kólik-geografiialyq aqparattyq júieni» ázirlep, bul Aziia, Taiaý Shyǵys jáne Afrikanyń arasyndaǵy kólik dálizderiniń qazirgi jaǵdaiyn jáne biriktirý joldaryn taldaýǵa múmkindik beredi. Budan basqa, bastama IYU memleketteri arasynda taýarlar men investitsiialar aǵynyn jeńildetý jaǵdaiyn jasaýdy kózdeidi. 2017 jyly Astana «IYU-nyń 2026 jylǵa deiingi Ǵylym, tehnologiia jáne innovatsiiany damytý jónindegi baǵdarlamasy» qabyldanǵan IYU-nyń Ǵylym jáne tehnologiialar jónindegi birinshi Sammitin ótkizdi.
Budan basqa, Qazaqstannyń usynysy boiynsha ǵylym men tehnologiia salasynda 15 jetekshi musylman elderiniń dialog alańyn qurý boiynsha jumys júrgizilýde. Ministrler kezdesýi barysynda qazaqstandyq diplomat Asqar Mýsinov IYU-nyń Ǵylym jáne tehnologiia jónindegi Bas hatshysynyń orynbasary laýazymyna resmi túrde kirisedi. IYU Bas hatshysymen kelissózderdiń mańyzdy bóligi Uiymdy reformalaý taqyryby boldy. Ministr B.Atamqulov IYU-nyń tez ózgeretin álem talaptaryna sáikes kelý úshin ózgerister sózsiz qajet ekendigin atap ótti. BUU-dan keiingi ekinshi iri halyqaralyq uiym bolyp tabylatyn IYU-nyń tiimdiligin arttyrý múshe memleketterdiń de, búkil halyqaralyq qoǵamdastyqtyń da múddelerine qyzmet etedi.
Syrtqy ister ministri IYU Bas hatshysy Iu. ál-Oseimindi ústimizdegi jylǵy 16-17 mamyrda ótetin XII Astana ekonomikalyq forýmyna shaqyrdy. Forým jumysyna IYU elderiniń iri investorlary da qatysatynyna úmit bildirdi.
