Oqýshylardy 40 minýt boiy maska taǵyp otyrýǵa májbúrleý – qiyn. Bul týraly Ortalyq kommýniktsiialar qyzmetinde ótken IV toqsandaǵy oqý formaty týraly brifingide aityldy, dep habarlaidy "Ult aqparat".
«Elimizdiń bas sanitar dárigeriniń 25 naýryzda qabyldaǵan qaýlysy «jasyl» jáne «sary» aimaqtaǵy mektepterge ǵana qatysty. Osyǵan bailanysty «Synypta maska taqpai otyrýǵa bolady» degen sheshimniń «qyzyl» aimaqta ornalasqan mektepterge qatysy joq», - deidi QR DSM Sanitariialyq-epidemiologiialyq baqylaý komitetiniń tamaqtaný, bilim jáne tárbieleý obektilerin sanitariialyq-gigienalyq baqylaý jáne qadaǵalaý basqarmasynyń basshysy Maral Rahymjanova.
Onyń aitýynsha, oqýshylardy 40 minýt boiy maska taǵyp otyrýǵa májbúrleý – qiyn.
«Tamaqtanatyn jerde maska sheship otyrýǵa bolatyny siiaqty, sabaq oqyp otyrǵan kezde de maska sheship otyrýǵa bolady. Birinshiden, ár sabaq ári ketse 40 minýtqa sozylady jáne ár pánnen keiin úzilis bolyp otyrady», - deidi ol.
