Jyl basynan beri Sybailas jemqorlyqqa qarsy qyzmet sotqa deiingi tergep-tekserýdiń 754 sharasyn júrgizip, 671 isti sotqa joldaǵan, dep habarlaidy QazAqparat.
Bul týraly Sybailas jemqorlyqqa qarsy is-qimyl agenttiginiń asa mańyzdy ister jónindegi tergeýshisi Daniiar Bekaidarov onlain brifingide aitty.
«Sybailas jemqorlyqqa qarsy qyzmet 2021 jyldyń ótken kezeńinde 754 sotqa deiingi tergep-tekserýdi tirkedi, onyń 671-i sotqa jiberildi. Atalǵan qylmystyq ister boiynsha 85 laýazymdy tulǵa ustaldy, 79 adamǵa «kúzetpen ustaý» jáne 20 adamǵa «úiqamaqta ustaý» bultartpaý sharalary qoldanyldy», - deidi agenttik ókili.
Onyń aitýynsha 5 aidyń ishinde sybailas jemqorlyqpen bailanysty qylmystyq ister boiynsha 391 adam sotty bolǵan.
«95 adam para alǵany úshin, 178 adam para bergeni úshin, 52 adam alaiaqtyq úshin, 22 adam urlyq úshin, 25 adam laýazymdyq ókilettikterin teris paidalanǵany úshin, 8 adam bilikti nemese laýazymdyq ókilettikterin asyra paidalanǵany úshin jáne taǵy basqa zańsyz áreketteri úshin sottaldy», - deidi agenttiktiń asa mańyzdy ister jónindegi tergeýshisi.
Sotty bolǵandardyń 104-i bas bostndyǵynan aiyrylsa, 38 adamnyń erkindigi shektelgen. 241 adamǵa eselengen aiyppul salynǵan. Óndirilýi tiis aiyppuldardyń jalpy somasy 1,3 mlrd teńge bolǵan.
«456 adamǵa qatysty qosymsha jazalaý sharalary qoldanyldy. 374 adam belgili bir laýazymdy atqarý nemese belgili bir qyzmetpen ainalysý quqyǵynan aiyryldy. 78 adam arnaýly, áskeri nemese qurmetti ataǵynan, sanattyq sheninen, diplomatiialyq dárejesinen, biliktilik synybynan jáne memlekettik nagradalarynan aiyryldy, 4 adamnyń múlki tárkilendi», - dedi Daniiar Bekaidarov.
