جىل باسىنان بەرٸ سىبايلاس جەمقورلىققا قارسى قىزمەت سوتقا دەيٸنگٸ تەرگەپ-تەكسەرۋدٸڭ 754 شاراسىن جٷرگٸزٸپ, 671 ٸستٸ سوتقا جولداعان, دەپ حابارلايدى قازاقپارات.
بۇل تۋرالى سىبايلاس جەمقورلىققا قارسى ٸس-قيمىل اگەنتتٸگٸنٸڭ اسا ماڭىزدى ٸستەر جٶنٸندەگٸ تەرگەۋشٸسٸ دانييار بەكايداروۆ ونلاين بريفينگٸدە ايتتى.
«سىبايلاس جەمقورلىققا قارسى قىزمەت 2021 جىلدىڭ ٶتكەن كەزەڭٸندە 754 سوتقا دەيٸنگٸ تەرگەپ-تەكسەرۋدٸ تٸركەدٸ, ونىڭ 671-ٸ سوتقا جٸبەرٸلدٸ. اتالعان قىلمىستىق ٸستەر بويىنشا 85 لاۋازىمدى تۇلعا ۇستالدى, 79 ادامعا «كٷزەتپەن ۇستاۋ» جەنە 20 ادامعا «ٷيقاماقتا ۇستاۋ» بۇلتارتپاۋ شارالارى قولدانىلدى», - دەيدٸ اگەنتتٸك ٶكٸلٸ.
ونىڭ ايتۋىنشا 5 ايدىڭ ٸشٸندە سىبايلاس جەمقورلىقپەن بايلانىستى قىلمىستىق ٸستەر بويىنشا 391 ادام سوتتى بولعان.
«95 ادام پارا العانى ٷشٸن, 178 ادام پارا بەرگەنٸ ٷشٸن, 52 ادام الاياقتىق ٷشٸن, 22 ادام ۇرلىق ٷشٸن, 25 ادام لاۋازىمدىق ٶكٸلەتتٸكتەرٸن تەرٸس پايدالانعانى ٷشٸن, 8 ادام بيلٸكتٸ نەمەسە لاۋازىمدىق ٶكٸلەتتٸكتەرٸن اسىرا پايدالانعانى ٷشٸن جەنە تاعى باسقا زاڭسىز ەرەكەتتەرٸ ٷشٸن سوتتالدى», - دەيدٸ اگەنتتٸكتٸڭ اسا ماڭىزدى ٸستەر جٶنٸندەگٸ تەرگەۋشٸسٸ.
سوتتى بولعانداردىڭ 104-ٸ باس بوستندىعىنان ايىرىلسا, 38 ادامنىڭ ەركٸندٸگٸ شەكتەلگەن. 241 ادامعا ەسەلەنگەن ايىپپۇل سالىنعان. ٶندٸرٸلۋٸ تيٸس ايىپپۇلداردىڭ جالپى سوماسى 1,3 ملرد تەڭگە بولعان.
«456 ادامعا قاتىستى قوسىمشا جازالاۋ شارالارى قولدانىلدى. 374 ادام بەلگٸلٸ بٸر لاۋازىمدى اتقارۋ نەمەسە بەلگٸلٸ بٸر قىزمەتپەن اينالىسۋ قۇقىعىنان ايىرىلدى. 78 ادام ارناۋلى, ەسكەري نەمەسە قۇرمەتتٸ اتاعىنان, ساناتتىق شەنٸنەن, ديپلوماتييالىق دەرەجەسٸنەن, بٸلٸكتٸلٸك سىنىبىنان جەنە مەملەكەتتٸك ناگرادالارىنان ايىرىلدى, 4 ادامنىڭ مٷلكٸ تەركٸلەندٸ», - دەدٸ دانييار بەكايداروۆ.
