Qoǵam damýyna kedergi bolatyn kertartpa dúnieler kóp-aq. Búgingi tańda sonyń úlkeni jáne ózektisi sybailas jemqorlyq bolyp tur. Bir anyǵy, álemde bul keselden syrt qalǵan nemese ony jeńgen memleket kemde-kem. Sybailas jemqorlyq máselesine mán berip, onymen kúresti jetildirýge únemi pármen berip otyrýymyz kerek.
Álbette, bul baǵytta Qazaqstanda qyrýar jumystar atqarylyp, jemqorlyqpen kúres zańnamalyq turǵyda bekitildi. Postkeńestik keńistikte alǵash bolyp qabyldaǵan «Sybailas jemqorlyqqa qarsy kúres» týraly Zańnyń 2015 jyly «Sybailas jemqorlyqqa qarsy is-qimyl týraly» Zań bolyp ózgertilýi de jegiqurttyń saldarymen kúrespei, kerisinshe, onyń aldyn alý maqsatynan týǵan qadam edi. Osy zańdyq ózgeris arqyly Qazaqstannyń sybailas jemqorlyqpen kúrestegi memlekettik saiasatynyń baǵyty basqa arnaǵa bet burdy desek bolady. Ol jemqorlyqqa qarsy is-qimyldyń keshendi sharalaryn quraidy. Onyń aiasynda áleýmettik keseldiń ziiany, memleketke keltirer zardaby, damýǵa keltirer kedergisi týraly nasihat sharalary júrgizilip, jemqorlyqpen kúreske qoǵamdy jumyldyrýdy da kózdeidi. «Sybailas jemqorlyqpen kúreste kóp nárse búkil qoǵamnyń belsene atsalysýyna bailanysty. Áleýmettik jeliniń, ózge de media-resýrstardyń damýy jaǵdaiynda, sybailas jemqorlyqqa qarsy is-áreket barysynda ony jalpy jurtshylyqtyń jek kórýi kúrestiń qýatty quralyna ainalýy tiis», — dep muny Óz Joldaýynda Elbasy naqty atap ótken bolatyn.
Qazaqstandyqtardyń ál-aýqatynyń ósýi sóz bolǵan qujatta jemqorlyq taqyrybyna oryn berilýi de túsinikti jait. Sebebi, álemde ekonomikalyq, tehnologiialyq jáne basqa básekelestik kórki qazir qyzyp-aq tur. Al, mundai básekege túsýdi, onda oza shabýdy sybailas jemqorlyqsyz qoǵam qurmai, elestetý múmkin emes. Endeshe, básekelestik báigesinde baǵymyz jansyn desek, ortaq mindetti júzege asyrýda birlik tanyta bilýimiz kerek.
Alataý aýdandyq sotynyń sýdiasy
Talǵat Makýlov
Almaty qalasy
