Suiytylǵan gazdy elektrondy alańda satý bir jylǵa shegerildi. QR Energetika ministri Bolat Aqsholaqov Úkimet otyrysynda osy másele boiynsha vedomsvtonyń tiisti buiryǵy shyqqanyn málim etti, dep habarlaidy QazAqparat.
«Suiytylǵan gaz naryǵyndaǵy jaǵdaidy tolyq baqylaýdy qamtamasyz etý maqsatynda mynadai jedel sharalar qabyldandy:
Suiytylǵan munai gazyna ýaqytsha memlekettik baǵa retteý engizildi jáne litr úshin 50-75 teńge diapazonynda bólshek saýda baǵasy bekitildi», - degen ministr saladaǵy túsiniksizdikterdi retteý úshin vedomstvonyń 2 mańyzdy buiryǵy bekitilgenin eske saldy. Olar:
1) 2023 jylǵy 1 qańtarǵa deiin saýda-sattyq qaǵidalaryn toqtata turý boiynsha buiryq, oǵan sáikes Energetika ministrligi suiytylǵan gazdy elektrondyq saýda-sattyqtan tys ótkizetin bolady;
2) Básekelestikti qorǵaý jáne damytý agenttigi bekitken bólshek saýdadaǵy shekti baǵalarǵa sáikes keltirý úshin suiytylǵan munai gazynyń shekti kóterme baǵasyn tómendetý jónindegi buiryq.
«Sondai-aq, búgingi kúni elektrondyq saýda alańdarynan tys ishki naryqqa suiytylǵan gazdy jetkizý josparyn qalyptastyrý qaǵidalaryna túzetýler engizý boiynsha buiryq ázirlendi», - dedi Bolat Aqsholaqov.
