2019 jyly QR «Gaz jáne gazben jabdyqtaý týraly» Zańyna sáikes suiytylǵan munai gazyn elektrondyq saýda alańdary arqyly satý bastalǵan bolatyn, dep habarlaidy QazAqparat Energetika ministrliginiń baspasóz qyzmetine silteme jasap.
Úsh jyl ishinde (2019-2021 j.j.) elektrondy saýda alańdary arqyly satylatyn suiytylǵan gaz kólemi kezeń-kezeńimen ósti. 2022 jylǵy 1 qańtardan bastap taýar birjalary arqyly (suiyltylǵan munai gazyn munai-gaz (SMG) himiiasy ónimderin óndirý úshin shikizat retinde paidalanatyn ónerkásip tutynýshylary jáne toptyq rezervýarlyq qondyrǵylar arqyly SMG-yn tutynatyn abonentter úshin SMG-yn ótkizýdi qospaǵanda) suiytylǵan munai gazy saýdasyna 100% ótý júzege asyryldy.
Suiytylǵan munai gazyn elektrondyq saýda-sattyq arqyly ótkizý naryqtyń barlyq qatysýshylary úshin teń jaǵdai jasaidy jáne suiytylǵan munai gazynyń qajetti kólemin tikelei óndirýshilerden satyp alýǵa múmkindik beredi.
Ózderińizge belgili, Qazaqstanda suiytylǵan munai gazyn tutyný jyl saiyn artyp keledi. Bul rette SMG-yn óndirý kólemi ótken jyldar deńgeiinde saqtalyp, ósken joq.
Elektrondy saýdaǵa kóshý suranys pen usynys negizinde suiytylǵan munai gazynyń baǵasyn teńdestirýge jáne jańa óndiris oryndaryn qurýǵa investitsiialar tartýǵa da múmkindik beredi.
Sonymen qatar, naryqtyq mehanizmder básekeniń damýyna oń áserin tigizip, ónimsiz deldaldardyń naryqqa áserin azaityp, shaǵyn jáne orta biznestiń damýyna qolaily jaǵdai týǵyzady.
2022 jylǵy qańtardaǵy jaǵdai boiynsha jetkizýshiler Mańǵystaý oblysy úshin óndirýshilerden 17 406 tonna suiytylǵan munai gazyn satyp aldy. (Jetkizý jospary boiynsha bólingenniń 96,5%).
Osylaisha, Mańǵystaý oblysyna qańtarda suiytylǵan gaz jetkizýdiń ortasha kóterme baǵasy 133 126 teńge/tonna nemese 78 teńge/litr qurady.
Bul rette bólshek saýda baǵasy Aqtaý, Jańaózen qalalarynda, sondai-aq Mańǵystaý oblysynda 100-120 teńge/litr boldy.
