Sút jáne sút ónimderin óndirý kólemin odan ári ulǵaitý úshin oblysta taýarly-sút fermalaryn salý jáne qaita jańartý arqyly qýattylyǵyn ulǵaitý, qosymsha sút qabyldaý pýnkterin qurý jáne turǵyndardan sút satyp alý kólemin ulǵaitý boiynsha jumystar jalǵasady.
Turǵyndarǵa esep berý kezdesýinde oblys ákimi Danial Ahmetov ótken jyly oblys aýmaǵynda 23 taýarly-sút fermasy men 50 sút qabyldaý pýnkti qurylǵanyn atap ótti. Alaida, sonyń 70 paiyzy jeke qosalqy sharýa qojalyqtarynyń esebinde tur eken. Osy kórsetilgen nátijege qaraǵanda sút óndirýshilerdiń úshten bir bóligi ǵana tolyq áleýetin paidalanǵan. Aǵymdaǵy jyly sút óndeýshi kásiporyndar qýattylyǵy júktemesin 42-den 60 paiyzǵa ulǵaitýǵa, sondai-aq, jeke qosalqy sharýashylyqtar áleýetin tolyq paidalanýǵa jáne tabystaryn ulǵaitýǵa múmkindik beriledi.
2017 jyly óńirimizde 18 taýarly-sút fermanyń qurylysy qaitadan jaraqtandyrylyp, halyqaralyq talaptarǵa sáikestendirilmek. Qaitadan jańǵyrtý jumystarynyń nátijesinde 60 TSF jáne 60 sút qabyldaý pýnkti ashylady.
Qazir turǵyndar arasynda sút qabyldaý pýnkteri men qaita óndeýshi kásiporyndar bazasynda jeke úi sharýashylyqtaryn kooperativterge biriktirý jóninde uiymdastyrý-túsindirý jumystary júrgizilýde. Al jeke qosalqy sharýashylyqtarynda mal tuqymyn asyldandyrý úshin shaǵyn nesielendirý júiesi arqyly turǵyndar asyl tuqymdy mal satyp alýǵa múmkindik aldy.
Iri taýarly-sút fermalaryn (400 jáne odan kóp bas) salýǵa jáne qaita jańǵyrtýǵa investitsiia quiǵan aýyl sharýashylyǵy taýar óndirýshilerine aǵymdaǵy jyly joǵarylatylǵan normativti sýbsidiialaý boiynsha shyǵyndardy óteý josparlanǵan.
Qurylǵan infraqurylym aǵymdaǵy jyly sút óndirý, satyp alý jáne qaita óńdeý boiynsha 12 qanatqaqty kooperativ uiymdastyrýǵa múmkindik beredi.
