«Ult múddesi» baǵdarlamasynda QR Prezidentiniń Ekonomikalyq damý máseleleri jónindegi keńesshisi Ser Sýma Chakrabarti Ózbekstan men Qazaqstan yntymaqtastyǵynyń ekonomikalyq múmkindigine baǵa berdi, dep habarlaidy QazAqparat agenttigi.
Baǵdarlama barysynda Prezident keńesshisi Ózbekstan Prezidenti Shavkat Mirzieevtiń Qazaqstanǵa jasaǵan resmi saparyna toqtaldy.
«Bul kóp bastamaǵa jol ashqan sapar boldy. 6,6 mlrd dollar bolatyn saýda, aýyl sharýashylyǵy, tasymaldaý, logistika siiaqty ekonomikanyń asa mańyzdy salalary boiynsha kelisimsharttar men tyń jańa bastamalarǵa qol qoiyldy. Bir jyl buryn mundai bolar edi dep oilamaǵan edik. Al búginde eki el, eki eldiń Úkimettteri naqty sheshim qabyldaǵanyn kórip otyrmyz. Mirzieev myrza Qazaqstannyń tsifrlyq úkimet keńsesine baryp, jumysymen tanysty. Ol Astana halyqaralyq qarjy ortalyǵyna da bas suqty. Meniń oiymsha, bul Ortalyq Aziia óńirinde paida bolǵan shynaiy kooperatsiianyń bastaýy bolýy ábden múmkin», - dedi Prezident keńesshisi.
Ser Sýma Chakrabarti kelisimge qol qoiýmen is bitpeitinin eske saldy. Endi osy ýaǵdalastyqtardy naqty iske asyrý kerek. Eki Úkimetiniń shynaiy nieti men qabileti osy kezde belgili bolmaq.
Sýma Chakrabarti Qazaqstan men Ózbekstannyń Joǵary Memleketaralyq keńesin qurýdyń mańyzyna da toqtaldy.
«Men ony óte mańyzdy qujat dep sanaimyn. Bul ekonomikalyq qatynastar jergilikti qaýymdastyq deńgeiinde de, Úkimetter deńgeiinde ózekti. Is júzinde sirek kezdesetin tájiribe bolyp jatyr. Eki tarap saiasi salada da da, ekonomikada da úilesimdi áreket etýge yntaly. Bul eki elge de mańyzdy jáne búkil Ortalyq Aziia aimaǵy úshin de óte mańyzdy. Óitkeni, aimaqtaǵy eń iri eki memleket te osylar. Batys ta, álemniń basqa óńirleri bul jaqyndyqty jiti baqylap otyr. Úilestirý sátti bastalsa, onyń aýqymyn keńeitip, deńgeiin tereńdete berý kerek. Mundai úilesimdiliktiń qunyna baǵa jetpeidi. Ortalyq Aziiada birlik bolǵanda ǵana onyń úni halyqaralyq alańdarda mańyzdy bola bastaidy» - dedi Memleket basshysynyń keńesshisi.
