Almaty ákimdigi sulýlyq salondary jaqyn ýaqytta nege ashylmaitynyn túsindirdi, dep habarlaidy "Ult aqparat".
Qazirgi ýaqytta sulýlyq indýstriiasy nysandarynyń qyzmetine Almaty qalasy ákimdigi janyndaǵy tótenshe jaǵdai rejimin qamtamasyz etý jónindegi jedel shtabtyń sheshimimen tyiym salynǵan.
«Karantin kezinde sulýlyq salondary qaýip-qater obektileri bolyp tabylady. Qyzmet kórsetý ereksheliginiń ózi (shash qiiý, sándeý, shashty boiaý, manikiýr jáne taǵy basqasy) sheber men klient arasyndaǵy óte jaqyn (1 metrden kem) jáne uzaq (30-40 minýt jáne odan kóp) bailanysty qarastyrady. Sheber aýyrǵan jaǵdaida, barlyq klientter jaqyn bailanys tizimine kiredi jáne ainalasyna qaýip tóndiredi», – delingen ákimdik habarlamasynda.
Málim etilgendei, epidemiologiialyq jaǵdai jaqsarǵan jaǵdaida, salanyń osy túrin ruqsat etilgen qyzmet túrleriniń tizimine engizý týraly másele qaralatyn bolady.
Karantin rejimin buzǵany úshin ákimshilik jaýapkershilik qarastyrylǵan. Sanepidqyzmet organdary tarapynan baqylaý kúsheitiledi.
«Osyndai buzýshylyqtardyń barlyq faktileri týraly aýdandyq Taýarlar men qyzmetterdiń sapasy men qaýipsizdigin baqylaý basqarmalaryna nemese tikelei Almaty qalasy departamentine habarlaýdy suraimyz», – dep atap ótti ákimdikten.
