Abai oblysynda shuǵyl shaqyrtýǵa bara jatqan eki órt sóndirýshi jol apatynan qaza tapty, dep habarlaidy ult.kz.
Qaiǵyly oqiǵa Semei–Kýrchatov tasjolynda bolǵan.
Apat saldarynan 36 jastaǵy Ermek Sydyqov pen 33 jastaǵy Arnur Ádikenov kóz jumdy. Sonymen qatar jol-kólik oqiǵasyna qatysqan ekinshi kóliktegi erli-zaiypty da qaza tapqan. Osylaisha apattan tórt adam mert boldy.
Marqumdardyń týystary órt sóndirýshilerge Semei men Kýrchatov arasyndaǵy shamamen 130 shaqyrym joldy bir saǵat ishinde júrip ótý tapsyrylǵanyn aitady. Olardyń sózinshe, qyzmetkerler shuǵyl shaqyrtýǵa asyǵyp bara jatqan.
Jaqyndary osy jaǵdaiǵa bailanysty basshylyqtyń áreketine quqyqtyq baǵa berýdi surap otyr. Abai oblysynyń Tótenshe jaǵdailar departamenti qyzmettik tergep-tekserý bastalǵanyn habarlady.
Ermek Sydyqovtyń artynda áieli men eki balasy, al Arnur Ádikenovtiń artynda áieli men bir balasy qaldy.
