Foto: UQK baspasóz qyzmeti
Pavlodarda sýdia Ákimshilik quqyqbuzýshylyq týraly kodeks baptaryn shatastyryp aldy, dep habarlaidy Sputnik Qazaqstan.
Kodekstiń 234-1-baby ("Biýdjet qarajatyn tiimsiz josparlaý jáne (nemese) tiimsiz paidalaný") boiynsha Pavlodar oblysy politsiia departamentiniń burynǵy bastyǵy Nurlan Másimovke qatysty eki ákimshilik isti qaraý ýaqytsha toqtatyldy. Óitkeni sottalýshy advokattarynyń shaǵymy qaralady.
"Alaida sotty toqtata turý týraly qaýlyda qate jiberilgen. Ákimshilik quqyqbuzýshylyq týraly kodekstiń 608-babynyń 1-bóligi kórsetilgen. Qujatta kodekstiń 234-1-baby kórsetilýge tiis edi", - delingen sottyń jańa qaýlysynda.
Iaǵni, tiimsiz josparlaýdyń jáne (nemese) biýdjet qarajatyn tiimsiz paidalanýdyń ornyna oblystyń burynǵy bas politseiine mas kúiinde kólik júrgizdi degen aiyp taǵyla jazdady.
Zań boiynsha qatelik jibergen sýdia ony túzetýge quqyly. Qate túzetildi. Nurlan Másimovke Ákimshilik kodekstiń 234-1 baby boiynsha quqyqbuzýshylyq jasady degen aiyp taǵylyp otyr.
Is boiynsha sot otyrysynyń kúni áli belgilengen joq.
