Foto:TJM
Sý tasqynyna bailanysty búgingi kúnge ne málim ekenin búgin Astanada ótken brifingte QR Tótenshe jaǵdailar ministrligi ókili Asqar Shárip baiandady, dep habarlaidy "Ult Aqparat".
"Atyraý oblysynda Jaiyq ózeni sý deńgeiine monitoring jalǵastyrylýda. Bógetterdi nyǵaitý jumystary júrgizilip jatyr. Atyraý qalasynda bógegish bondary ornatylýda. Jaiyq ózeni jaǵasynyń sýmen shaiylýynyń aldyn alý úshin munai-gaz kompaniiasynyń kúshteri men quraldary jumyldyrylyp, uzyndyǵy 600 metr teńizdiń bógegish bondary jaǵaǵa jaqyn ornatyldy", - QR TJM ókili Asqar Shárip.
Respýblika boiynsha 48 611 adam óz úilerine oraldy.
5 961 adam evakýatsiialaý pýnktterinde. 8 189 turǵyn úi men 2 977 aýla aýmaǵynan sýdyń baǵyty burylyp, sý soryldy. 13,9 mln astam tekshe metr erigen qar sýy soryp shyǵaryldy, 7,7 mln qapshyq jáne 1,5 mln astam tonna inertti material tóseldi.
Avariialyq-qutqarý jáne sý tasqynyna qarsy jumystarǵa 14 myńnan astam adam, 1 523 tehnika, 244 sý sorý quraly jáne 79 júzý quraly, 5 áýe kemesi jumyldyryldy.
"Shyǵys Qazaqstan oblysynda jaýyn-shashynnyń kóp mólsherde túsýine bailanysty Buqtyrma ózeninde sý deńgeii kóterildi. Sonyń saldarynan Altai aýdanynyń Zýbovsk aýdanynda 24 aýla aýmaǵyn sý basty. Bógetterdi bekitý jáne sý basqan aýmaqtardan sý sorý jumystary júrgizilýde. Buqtyrma ózeniniń sý deńgeii tómendedi. Ózenniń sý deńgeiine monitoring jalǵastyrylýda", - dep málimdedi A. Shárip.
