فوتو:تجم
سۋ تاسقىنىنا بايلانىستى بٷگٸنگٸ كٷنگە نە مەلٸم ەكەنٸن بٷگٸن استانادا ٶتكەن بريفينگتە قر تٶتەنشە جاعدايلار مينيسترلٸگٸ ٶكٸلٸ اسقار شەرٸپ باياندادى, دەپ حابارلايدى "ۇلت اقپارات".
"اتىراۋ وبلىسىندا جايىق ٶزەنٸ سۋ دەڭگەيٸنە مونيتورينگ جالعاستىرىلۋدا. بٶگەتتەردٸ نىعايتۋ جۇمىستارى جٷرگٸزٸلٸپ جاتىر. اتىراۋ قالاسىندا بٶگەگٸش بوندارى ورناتىلۋدا. جايىق ٶزەنٸ جاعاسىنىڭ سۋمەن شايىلۋىنىڭ الدىن الۋ ٷشٸن مۇناي-گاز كومپانيياسىنىڭ كٷشتەرٸ مەن قۇرالدارى جۇمىلدىرىلىپ, ۇزىندىعى 600 مەتر تەڭٸزدٸڭ بٶگەگٸش بوندارى جاعاعا جاقىن ورناتىلدى", - قر تجم ٶكٸلٸ اسقار شەرٸپ.
رەسپۋبليكا بويىنشا 48 611 ادام ٶز ٷيلەرٸنە ورالدى.
5 961 ادام ەۆاكۋاتسييالاۋ پۋنكتتەرٸندە. 8 189 تۇرعىن ٷي مەن 2 977 اۋلا اۋماعىنان سۋدىڭ باعىتى بۇرىلىپ, سۋ سورىلدى. 13,9 ملن استام تەكشە مەتر ەرٸگەن قار سۋى سورىپ شىعارىلدى, 7,7 ملن قاپشىق جەنە 1,5 ملن استام توننا ينەرتتٸ ماتەريال تٶسەلدٸ.
اۆارييالىق-قۇتقارۋ جەنە سۋ تاسقىنىنا قارسى جۇمىستارعا 14 مىڭنان استام ادام, 1 523 تەحنيكا, 244 سۋ سورۋ قۇرالى جەنە 79 جٷزۋ قۇرالى, 5 ەۋە كەمەسٸ جۇمىلدىرىلدى.
"شىعىس قازاقستان وبلىسىندا جاۋىن-شاشىننىڭ كٶپ مٶلشەردە تٷسۋٸنە بايلانىستى بۇقتىرما ٶزەنٸندە سۋ دەڭگەيٸ كٶتەرٸلدٸ. سونىڭ سالدارىنان التاي اۋدانىنىڭ زۋبوۆسك اۋدانىندا 24 اۋلا اۋماعىن سۋ باستى. بٶگەتتەردٸ بەكٸتۋ جەنە سۋ باسقان اۋماقتاردان سۋ سورۋ جۇمىستارى جٷرگٸزٸلۋدە. بۇقتىرما ٶزەنٸنٸڭ سۋ دەڭگەيٸ تٶمەندەدٸ. ٶزەننٸڭ سۋ دەڭگەيٸنە مونيتورينگ جالعاستىرىلۋدا", - دەپ مەلٸمدەدٸ ا. شەرٸپ.
