Foto: QR Úkimeti
Respýblikanyń 5 óńirinde sý tasqynynan jaramsyz bolyp qalǵan 398 úidiń ornyna jańa baspananyń qurylysy bastaldy. Bul týraly Ónerkásip jáne qurylys ministrliginiń resmi ókili Merýert Ibraeva aitty, dep habarlaidy «Ult aqparat» Kazinform-ǵa silteme jasap.
«Qurylys jáne turǵyn úi-kommýnaldyq sharýashylyq isteri komitetiniń habarlaýynsha, 5 óńirde — Aqtóbe, BQO, Qaraǵandy, Pavlodar, SQO-da 34 merdiger kompaniia 398 úi salýǵa kiristi. Sonymen qatar, Qostanai oblysynda ákimdik 31 páter satyp alyp, zardap shekken otbasylarǵa berdi», — dedi ol ortalyq kommýnikatsiialar qyzmetindegi brifingte.
Resmi ókildiń dereginshe, myna óńirlerde úi salý jumystary bastaldy:
— Aqtóbe oblysynda 11 merdiger kompaniia Qobda aýdanynda 89 úi
— Batys Qazaqstan oblysynda 12 merdiger kompaniia Qaratóbe, Syrym jáne Terekti aýdandarynda 203 úi
— Qaraǵandy oblysynda — 1 úi
— Pavlodar oblysynda — 5 úi
— Soltústik Qazaqstan oblysynda 10 merdiger kompaniia 100 úidiń qurylysyn bastady.
«Sý tasqynynan zardap shekken óńirlerdiń ákimdikteri turǵyn úilerdi qalpyna keltirý úshin merdigerlerdi qamtamasyz etý jumystaryn jalǵastyrýda», — dedi Merýert Ibraeva.
