فوتو: قر ٷكٸمەتٸ
رەسپۋبليكانىڭ 5 ٶڭٸرٸندە سۋ تاسقىنىنان جارامسىز بولىپ قالعان 398 ٷيدٸڭ ورنىنا جاڭا باسپانانىڭ قۇرىلىسى باستالدى. بۇل تۋرالى ٶنەركەسٸپ جەنە قۇرىلىس مينيسترلٸگٸنٸڭ رەسمي ٶكٸلٸ مەرۋەرت يبراەۆا ايتتى, دەپ حابارلايدى «ۇلت اقپارات» Kazinform-عا سٸلتەمە جاساپ.
«قۇرىلىس جەنە تۇرعىن ٷي-كوممۋنالدىق شارۋاشىلىق ٸستەرٸ كوميتەتٸنٸڭ حابارلاۋىنشا, 5 ٶڭٸردە — اقتٶبە, بقو, قاراعاندى, پاۆلودار, سقو-دا 34 مەردٸگەر كومپانييا 398 ٷي سالۋعا كٸرٸستٸ. سونىمەن قاتار, قوستاناي وبلىسىندا ەكٸمدٸك 31 پەتەر ساتىپ الىپ, زارداپ شەككەن وتباسىلارعا بەردٸ», — دەدٸ ول ورتالىق كوممۋنيكاتسييالار قىزمەتٸندەگٸ بريفينگتە.
رەسمي ٶكٸلدٸڭ دەرەگٸنشە, مىنا ٶڭٸرلەردە ٷي سالۋ جۇمىستارى باستالدى:
— اقتٶبە وبلىسىندا 11 مەردٸگەر كومپانييا قوبدا اۋدانىندا 89 ٷي
— باتىس قازاقستان وبلىسىندا 12 مەردٸگەر كومپانييا قاراتٶبە, سىرىم جەنە تەرەكتٸ اۋداندارىندا 203 ٷي
— قاراعاندى وبلىسىندا — 1 ٷي
— پاۆلودار وبلىسىندا — 5 ٷي
— سولتٷستٸك قازاقستان وبلىسىندا 10 مەردٸگەر كومپانييا 100 ٷيدٸڭ قۇرىلىسىن باستادى.
«سۋ تاسقىنىنان زارداپ شەككەن ٶڭٸرلەردٸڭ ەكٸمدٸكتەرٸ تۇرعىن ٷيلەردٸ قالپىنا كەلتٸرۋ ٷشٸن مەردٸگەرلەردٸ قامتاماسىز ەتۋ جۇمىستارىن جالعاستىرۋدا», — دەدٸ مەرۋەرت يبراەۆا.
