Foto: Massaget.kz / Nurzhan Rysbekov
Qarjylyq monitoring agenttigi gidrotehnikalyq nysandardy salýǵa bólingen qarajattyń jumsalýyn tekseretin bolady, - dep habarlaidy «Ult aqparat» Massaget.kz-ke silteme jasap.
QMA tóraǵasy Dmitrii Malahov bólingen aqshanyń qaida ketkenin sapaly tekserý men baǵalaýdy qamtamasyz etý qajettigin aityp ótti.
"Agenttiktiń aýmaqtyq departamentteriniń basshylary memlekettik organdar men sharýashylyq sýbektileriniń qyzmetine aralaspai, bógetter, sý burý obektilerin salý, sondai-aq ózen arnalaryn tereńdetý úshin aqshany utymdy paidalanýdy zerdeleýi qajet", - dep tapsyrdy Malahov.
Eske sala keteiik, Memleket basshysynyń tapsyrmasy boiynsha Úkimet, kvazimemlekettik kompaniialar, kásipkerler, qoǵamdyq qorlar 140 mlrd teńgeden astam qarjy bóldi.
QMA basshysy sý tasqyny saldaryn joiý úshin bólingen aqshany maqsatty paidalaný men kómek zardap shekken barlyq azamattarǵa naqty jetýdi qamtamasyz etýdi tapsyrdy.
Osylaisha, qarjylyq monitoring organdary Almaty qalasynda, Aqtóbe, Qyzylorda jáne Ulytaý oblystarynda jymqyrý belgileri boiynsha tórt is qozǵady.
5 adam kúdikti dep tanyldy. Zalaldyń jalpy somasy 1 mlrd teńgeden asty.
Sonymen qatar, aldyn-alý jumystary zardap shekkenderge kómektesý úshin aqsha jinaýdy jariialaityn alaiaqtarǵa qarsy turýǵa baǵyttalatyn bolady.
Baǵanyń ósýine jol bermeýge erekshe nazar aýdarý tapsyryldy.
Ol úshin azyq-túlik, aýyz sý, dári-dármek jáne basqa da qajetti zattar baǵasynyń monitoringi jalǵasatyn bolady.
Agenttik sonymen qatar qurylys materialdarynyń baǵasymen alypsatarlyq táýekelderin aldyn alý qyzmetin de jandandyrady.
Anyqtalǵan faktilermen kúres analitikalyq quraldardy paidalana otyryp júrgiziletin bolady.
