فوتو: Massaget.kz / Nurzhan Rysbekov
قارجىلىق مونيتورينگ اگەنتتٸگٸ گيدروتەحنيكالىق نىسانداردى سالۋعا بٶلٸنگەن قاراجاتتىڭ جۇمسالۋىن تەكسەرەتٸن بولادى, - دەپ حابارلايدى «ۇلت اقپارات» Massaget.kz-كە سٸلتەمە جاساپ.
قما تٶراعاسى دميتريي مالاحوۆ بٶلٸنگەن اقشانىڭ قايدا كەتكەنٸن ساپالى تەكسەرۋ مەن باعالاۋدى قامتاماسىز ەتۋ قاجەتتٸگٸن ايتىپ ٶتتٸ.
"اگەنتتٸكتٸڭ اۋماقتىق دەپارتامەنتتەرٸنٸڭ باسشىلارى مەملەكەتتٸك ورگاندار مەن شارۋاشىلىق سۋبەكتٸلەرٸنٸڭ قىزمەتٸنە ارالاسپاي, بٶگەتتەر, سۋ بۇرۋ وبەكتٸلەرٸن سالۋ, سونداي-اق ٶزەن ارنالارىن تەرەڭدەتۋ ٷشٸن اقشانى ۇتىمدى پايدالانۋدى زەردەلەۋٸ قاجەت", - دەپ تاپسىردى مالاحوۆ.
ەسكە سالا كەتەيٸك, مەملەكەت باسشىسىنىڭ تاپسىرماسى بويىنشا ٷكٸمەت, كۆازيمەملەكەتتٸك كومپانييالار, كەسٸپكەرلەر, قوعامدىق قورلار 140 ملرد تەڭگەدەن استام قارجى بٶلدٸ.
قما باسشىسى سۋ تاسقىنى سالدارىن جويۋ ٷشٸن بٶلٸنگەن اقشانى ماقساتتى پايدالانۋ مەن كٶمەك زارداپ شەككەن بارلىق ازاماتتارعا ناقتى جەتۋدٸ قامتاماسىز ەتۋدٸ تاپسىردى.
وسىلايشا, قارجىلىق مونيتورينگ ورگاندارى الماتى قالاسىندا, اقتٶبە, قىزىلوردا جەنە ۇلىتاۋ وبلىستارىندا جىمقىرۋ بەلگٸلەرٸ بويىنشا تٶرت ٸس قوزعادى.
5 ادام كٷدٸكتٸ دەپ تانىلدى. زالالدىڭ جالپى سوماسى 1 ملرد تەڭگەدەن استى.
سونىمەن قاتار, الدىن-الۋ جۇمىستارى زارداپ شەككەندەرگە كٶمەكتەسۋ ٷشٸن اقشا جيناۋدى جارييالايتىن الاياقتارعا قارسى تۇرۋعا باعىتتالاتىن بولادى.
باعانىڭ ٶسۋٸنە جول بەرمەۋگە ەرەكشە نازار اۋدارۋ تاپسىرىلدى.
ول ٷشٸن ازىق-تٷلٸك, اۋىز سۋ, دەرٸ-دەرمەك جەنە باسقا دا قاجەتتٸ زاتتار باعاسىنىڭ مونيتورينگٸ جالعاساتىن بولادى.
اگەنتتٸك سونىمەن قاتار قۇرىلىس ماتەريالدارىنىڭ باعاسىمەن الىپساتارلىق تەۋەكەلدەرٸن الدىن الۋ قىزمەتٸن دە جانداندىرادى.
انىقتالعان فاكتٸلەرمەن كٷرەس اناليتيكالىق قۇرالداردى پايدالانا وتىرىپ جٷرگٸزٸلەتٸن بولادى.
