Búgin, 13 sáýirde QR Premer-Ministriniń orynbasary Roman Skliar, tótenshe jaǵdailar ministri Iýrii Ilin, ekologiia, geologiia jáne tabiǵi resýrstar vitse-ministri Serik Qojaniiazov pen Aqmola oblysynyń ákimi Ermek Marjyqpaev elordanyń shekara mańyndaǵy aýmaqtarynda sý tasqyny jaǵdaiyna monitoring júrgizý maqsatynda áýeden baqylaý jasady. Bul týraly primeminister.kz habarlady.
Ushý barysynda 42-razezd, Qajymuqan, Qoiandy, Talapker, Qaraótkel, Jibek joly, Qosshy, Taitóbe, Qyzyljar eldi mekenderiniń aýmaqtaryna aerovizýaldy barlaý júrgizildi. Astana sý qoimasy men Nura ózeni arnasynyń boiyndaǵy Preobrajensk sý torabynyń jaǵdaiy tekserildi.
Baqylaý kezinde qardyń erý protsesi turaqty júrip jatqany baiqaldy. Sý shaiǵan aimaqtar joq. Táýlik boiy jerden jáne jer serigi arqyly qashyqtan zondtaý monitoringin júrgizý jalǵasýda. Aqmola, Qaraǵandy, Qostanai, Shyǵys Qazaqstan jáne Soltústik Qazaqstan oblystarynyń keibir ózen aýmaqtarynda seń júrý úderisi bastaldy.
