Foto: TJM baspasóz qyzmeti
Qutqarýshylarǵa sý tasqynymen kúresýge kómektesý úshin Memlekettik kúzet qyzmetiniń (MKQ) qyzmetkerleri keldi, dep habarlaidy Tótenshe jaǵdailar ministrliginiń baspasóz qyzmeti.
«Qazaqstan Respýblikasynyń Azamattyq qorǵanysynyń qyzmetkerleri sý tasqynynyń zardaptaryn joiýda qutqarýshylarǵa kómektesýde. Osy sátterde Aqmola oblysynyń Jibek joly aýylynda Qazaqstan Respýblikasy Azamattyq qorǵanys kúshteriniń bir toby shuǵyl qutqarý jumystaryn júrgizýde. MKQ qyzmetkerleri eldi meken mańyndaǵy bóget jaǵasyn nyǵaityp, sý tasqynynan zardap shekken jergilikti turǵyndarǵa meditsinalyq kómek kórsetýde», - delingen juma kúngi habarlamada.
MKQ prezidentke tikelei baǵynatyn jáne esep beretin, ulttyq qaýipsizdik organdaryna jatatyn, prezidenttiń, sondai-aq basqa da kúzetiletin adamdar men obektilerdiń qaýipsizdigin qamtamasyz etý boiynsha zańnamada belgilengen quzyreti sheginde qaýipsizdik sharalaryn júzege asyratyn arnaýly memlekettik organ bolyp tabylady.
