Alaida qoǵamdaǵy syni pikirlerden 16 sáýirde oblystyq dene shynyqtyrý, sport jáne týrizm basqarmasy at báigesin uiymdastyrý jáne ótkizý lotynyń kúshin joidy, dep habarlaidy "Ult aqparat" "Aq Jaiyq" basylymyna silteme jasap.
Báigeni uiymdastyrýshylarǵa konkýrs ótkizý týraly habarlandyrý memlekettik satyp alýlar saitynda 20 naýryzda, al konkýrstyq qujattamaǵa ózgerister engizilgennen keiin 9 sáýirde jariialanǵan.
"Bul lot oblystaǵy tótenshe jaǵdaidan buryn jariialanyp, biýdjeti ótken jyldyń sońynda bekitilgen bolatyn. Jeńimpazdy anyqtap, tótenshe jaǵdai aiaqtalǵannan keiin ótkize alar edik. Al endi, báige múlde ótpeýi de múmkin – bári aimaqtaǵy jaǵdaiǵa bailanysty. Báige ótkizýden bas tartý týraly sheshim BAQ-ta jańalyq shyqqannan keiin qabyldandy", - dedi oblystyq dene shynyqtyrý, sport jáne týrizm basqarmasynyń bólim basshysy Tilekqabyl Esdáýletov.
