الايدا قوعامداعى سىني پٸكٸرلەردەن 16 سەۋٸردە وبلىستىق دەنە شىنىقتىرۋ, سپورت جەنە تۋريزم باسقارماسى ات بەيگەسٸن ۇيىمداستىرۋ جەنە ٶتكٸزۋ لوتىنىڭ كٷشٸن جويدى, دەپ حابارلايدى "ۇلت اقپارات" "اق جايىق" باسىلىمىنا سٸلتەمە جاساپ.
بەيگەنٸ ۇيىمداستىرۋشىلارعا كونكۋرس ٶتكٸزۋ تۋرالى حابارلاندىرۋ مەملەكەتتٸك ساتىپ الۋلار سايتىندا 20 ناۋرىزدا, ال كونكۋرستىق قۇجاتتاماعا ٶزگەرٸستەر ەنگٸزٸلگەننەن كەيٸن 9 سەۋٸردە جارييالانعان.
"بۇل لوت وبلىستاعى تٶتەنشە جاعدايدان بۇرىن جارييالانىپ, بيۋدجەتٸ ٶتكەن جىلدىڭ سوڭىندا بەكٸتٸلگەن بولاتىن. جەڭٸمپازدى انىقتاپ, تٶتەنشە جاعداي اياقتالعاننان كەيٸن ٶتكٸزە الار ەدٸك. ال ەندٸ, بەيگە مٷلدە ٶتپەۋٸ دە مٷمكٸن – بەرٸ ايماقتاعى جاعدايعا بايلانىستى. بەيگە ٶتكٸزۋدەن باس تارتۋ تۋرالى شەشٸم باق-تا جاڭالىق شىققاننان كەيٸن قابىلداندى", - دەدٸ وبلىستىق دەنە شىنىقتىرۋ, سپورت جەنە تۋريزم باسقارماسىنىڭ بٶلٸم باسشىسى تٸلەكقابىل ەسدەۋلەتوۆ.
