Sýret: Massaget.kz
QR Premer-Ministri Oljas Bektenovtiń tóraǵalyǵymen ótken Úkimet otyrysynda elimizdegi sý tasqynynyń saldaryn joiý máselesi kún tártibinen tys qaraldy, dep habarlaidy "Ult aqparat".
Úkimet basshysyna vitse-premer Qanat Bozymbaev zalaldy óteý algoritmine sáikes óńirlerde atqarylyp jatqan is-sharalar týraly baiandady.
Biylǵy 28 mamyrdaǵy málimetke súiensek, respýblika boiynsha 30 myńnan astam otbasy 100 AEK mólsherinde birjolǵy tólem aldy. Atalǵan baǵyttaǵy jumys baqylaýǵa alynyp, qajetti sharalar qabyldanyp jatyr.
15 myńnan astam úi men saiajai qurylystary tekserildi, 11 134-i boiynsha baǵalaý júrgizildi.
Bul rette jekelegen óńirlerde saraptamanyń tómen kórsetkishi baiqaldy. Mysaly, Batys Qazaqstan oblysynda sý basqan 4 myń úidiń 2 176-i (54%) tekserilip, 770 úige baǵalaý júrgizildi. Aqtóbe oblysynda 3 679 úi tekserilip (73%), 1673 úi baǵalandy.
Atyraý, Aqmola, Qostanai jáne Soltústik Qazaqstan oblystarynyń ákimdikteri tasqynnan zaqymdanǵan úilerdi tekserý jáne baǵalaý jumystaryn aiaqtady.
Jalpy elimiz boiynsha 9 myńnan astam úi qalpyna keltirilýge bolatyn qurylys qataryna jatady. 4 315-i apatty jaǵdaida dep tanyldy.
Óńirler 1 847 úi men páterdiń qurylysy bastaldy, qaitalama naryqtan 3 417 turǵyn úi satyp alý josparlanyp otyr.
Qurylys maýsymynyń qysqalyǵyn eskere otyryp, oqý jylynyń basyna deiin zardap shekken azamattarǵa úiler men páterler berý josparlanýda.
«Ákimdikterge Ónerkásip ministrligimen birge turǵyndardyń baspanalary men múlikterine keltirilgen zalaldy baǵalaý jumystaryn osy aptanyń sońyna deiin aiaqtaýdy tapsyramyn.
Azamattarymyzdyń qiyn jaǵdaiyna túsinistikpen jáne jan-jaqty muqiiat qarańyzdar. Jumystardy keshiktirmei, barynsha tezdetý kerek. Qanat Aldabergenuly, qatań baqylaýda ustańyz», — dedi Úkimet basshysy Oljas Bektenov.
