Foto:baq.kz
Tótenshe Jaǵdailar Ministrliginiń eldegi sý tasqynyna qatysty bergen málimeti boiynsha respýblikada 54 myń 755 adam óz úilerine oraldy. Bul týraly "Ult Aqparat" tilshisi habarlaidy.
TJM aqparaty boiynsha 5 myń 291 adam, onyń ishinde 2 239 bala evakýatsiialaý pýnktterinde. 11 205 turǵyn úi men 3 516 aýla aýmaǵynan sý burylyp, soryldy. 19,3 mln-nan astam tekshe metr erigen qar sýy soryp shyǵarylyp, 7,8 mln qapshyq jáne 1,5 mln-nan astam tonna inertti material tóseldi.
Atyraý oblysynda Jaiyq ózeniniń boiyna uzyndyǵy 346,2 shaqyrym bógen salyndy. Bul sý tasqynyna qarsy úiindi bógender Jaiyq ózeniniń arnasynan asýyn tejeidi jáne sýdyń Kaspii teńizine qaýipsiz ótýine múmkindik beredi. Búginde sýdy ótkizý, aldyn alý sharalaryn júrgizý úshin 37 eldi mekende táýlik boiy kezekshilik uiymdastyryldy. Qurmanǵazy aýdanynda 1 shaqyrym bógen salý qaldy. Salynǵan bógenderdi qosymsha nyǵaitý jumystary júrgizilip jatyr. Jaiyq ózeniniń sý deńgeiine monitorning júrgizilýde. Onyń birtindep kóterilip jatqany baiqalady. Jaiyq-Inderbor jáne Jaiyq-Mahambet sý beketterindegi sý deńgeii shektik belgiden asyp tústi. Jaǵdai baqylaýda. Qulsary qalasynda tasqyn astynda qalǵan úilerden sý sorý jumystary jalǵastyrylyp jatyr. Ótken táýlikte 66 044 tekshe metr sý soryldy.
Ótken táýlikte Soltústik Qazaqstan oblysynyń Petropavl qalasy men Qyzyljar aýdanynda 333 070 tekshe metr erigen qar sýy sorlyp, 165 turǵyn úiden sýdyń baǵyty burylyp, sý soryldy. 111 qurǵatylǵan úige dezinfektsiialyq jumystar júrgizildi. Petropavl qalasynyń Borki kenti men Karernaia kóshesinde sý basqan úiler joq. Kún saiynǵy aerovizýaldy tekserý jáne qurǵatylǵan aýmaqty dezenfektsiialaý jumystary jalǵastyrylyp jatyr.
Aqtóbe oblysynyń Yrǵyz aýdanynda bógetterdi nyǵaitý jumystary jáne Torǵai ózeni sý deńgeiine monitoring jalǵastyrylyp jatyr. Ótken táýlikte Quilys jáne Jaisańbai aýyldarynda 3 200 qapshyq pen 217 tonna inertti material tóseldi. Uzyndyǵy 640 metr bógender nyǵaitylyp jatyr.
