فوتو:baq.kz
تٶتەنشە جاعدايلار مينيسترلٸگٸنٸڭ ەلدەگٸ سۋ تاسقىنىنا قاتىستى بەرگەن مەلٸمەتٸ بويىنشا رەسپۋبليكادا 54 مىڭ 755 ادام ٶز ٷيلەرٸنە ورالدى. بۇل تۋرالى "ۇلت اقپارات" تٸلشٸسٸ حابارلايدى.
تجم اقپاراتى بويىنشا 5 مىڭ 291 ادام, ونىڭ ٸشٸندە 2 239 بالا ەۆاكۋاتسييالاۋ پۋنكتتەرٸندە. 11 205 تۇرعىن ٷي مەن 3 516 اۋلا اۋماعىنان سۋ بۇرىلىپ, سورىلدى. 19,3 ملن-نان استام تەكشە مەتر ەرٸگەن قار سۋى سورىپ شىعارىلىپ, 7,8 ملن قاپشىق جەنە 1,5 ملن-نان استام توننا ينەرتتٸ ماتەريال تٶسەلدٸ.
اتىراۋ وبلىسىندا جايىق ٶزەنٸنٸڭ بويىنا ۇزىندىعى 346,2 شاقىرىم بٶگەن سالىندى. بۇل سۋ تاسقىنىنا قارسى ٷيٸندٸ بٶگەندەر جايىق ٶزەنٸنٸڭ ارناسىنان اسۋىن تەجەيدٸ جەنە سۋدىڭ كاسپيي تەڭٸزٸنە قاۋٸپسٸز ٶتۋٸنە مٷمكٸندٸك بەرەدٸ. بٷگٸندە سۋدى ٶتكٸزۋ, الدىن الۋ شارالارىن جٷرگٸزۋ ٷشٸن 37 ەلدٸ مەكەندە تەۋلٸك بويى كەزەكشٸلٸك ۇيىمداستىرىلدى. قۇرمانعازى اۋدانىندا 1 شاقىرىم بٶگەن سالۋ قالدى. سالىنعان بٶگەندەردٸ قوسىمشا نىعايتۋ جۇمىستارى جٷرگٸزٸلٸپ جاتىر. جايىق ٶزەنٸنٸڭ سۋ دەڭگەيٸنە مونيتورنينگ جٷرگٸزٸلۋدە. ونىڭ بٸرتٸندەپ كٶتەرٸلٸپ جاتقانى بايقالادى. جايىق-يندەربور جەنە جايىق-ماحامبەت سۋ بەكەتتەرٸندەگٸ سۋ دەڭگەيٸ شەكتٸك بەلگٸدەن اسىپ تٷستٸ. جاعداي باقىلاۋدا. قۇلسارى قالاسىندا تاسقىن استىندا قالعان ٷيلەردەن سۋ سورۋ جۇمىستارى جالعاستىرىلىپ جاتىر. ٶتكەن تەۋلٸكتە 66 044 تەكشە مەتر سۋ سورىلدى.
ٶتكەن تەۋلٸكتە سولتٷستٸك قازاقستان وبلىسىنىڭ پەتروپاۆل قالاسى مەن قىزىلجار اۋدانىندا 333 070 تەكشە مەتر ەرٸگەن قار سۋى سورلىپ, 165 تۇرعىن ٷيدەن سۋدىڭ باعىتى بۇرىلىپ, سۋ سورىلدى. 111 قۇرعاتىلعان ٷيگە دەزينفەكتسييالىق جۇمىستار جٷرگٸزٸلدٸ. پەتروپاۆل قالاسىنىڭ بوركي كەنتٸ مەن كارەرنايا كٶشەسٸندە سۋ باسقان ٷيلەر جوق. كٷن سايىنعى اەروۆيزۋالدى تەكسەرۋ جەنە قۇرعاتىلعان اۋماقتى دەزەنفەكتسييالاۋ جۇمىستارى جالعاستىرىلىپ جاتىر.
اقتٶبە وبلىسىنىڭ ىرعىز اۋدانىندا بٶگەتتەردٸ نىعايتۋ جۇمىستارى جەنە تورعاي ٶزەنٸ سۋ دەڭگەيٸنە مونيتورينگ جالعاستىرىلىپ جاتىر. ٶتكەن تەۋلٸكتە قۇيلىس جەنە جايساڭباي اۋىلدارىندا 3 200 قاپشىق پەن 217 توننا ينەرتتٸ ماتەريال تٶسەلدٸ. ۇزىندىعى 640 مەتر بٶگەندەر نىعايتىلىپ جاتىر.
