QR Aýyl sharýashylyǵy ministrligi Sý resýrstary komitetiniń tóraǵasy Islam Ábishev qamaýǵa alyndy, dep habarlaidy "Ult aqparat".
«16 naýryzda Astana qalasynyń mamandandyrylǵan aýdanaralyq tergeý soty tergeý amaldaryn júrgizýshi organnyń ótinishin qarastyrdy. 2019 jyldyń 14 mamyryn qosa alǵanda, kúdikti Ábishev Islam Almahanulyna qatysty qamaýda ustaý túrindegi bultartpaý sharasyn sanktsiialaý týraly qaýly shyǵardy», - dep habarlady qalalyq sottyń baspasóz qyzmeti.
Sheneýnikti qamaýǵa alý sebepteri ázirge belgisiz.
«Qylmystyq protsestik kodekstiń normalaryna sáikes, aldyn ala tergeý amaldaryn júrgizý ýaqytynda qandai da bir derekter jariialanýǵa jatpaidy», - dep jaýap berdi baspasóz qyzmeti.
Eske sala ketsek, 15 naýryzda QR Aýyl sharýashylyǵy ministrligi Sý resýrstary komitetiniń tóraǵasy Islambek Ábishev qyzmetinen ýaqytsha shettetilgen edi.
