Foto:TJM
Búgin Ortalyq Kommýnikatsiialar Qyzmetinde sý tasqyny kezeńinde halyqqa qandai meditsinalyq kómek kórsetilip jatqany týraly QR Densaýlyq saqtaý ministrliginiń resmi ókili Áigerim Orazalieva.
"Sý tasqynynan zardap shekken oblystardaǵy meditsinalyq uiymdar shtattyq rejimde jumys isteýde. Meditsinalyq kómektiń barlyq túrleriniń qoljetimdiligin qamtamasyz etý úshin jedel meditsinalyq kómek qyzmetteriniń, statsionarlardyń qabyldaý pýnktteriniń jáne MSAK uiymdarynyń jumysy kúsheitildi, -dep otyr DSM ókili.
Áigerim Orazalieva bergen málimetke súiensek, sý tasqyny bastalǵannan beri evakýatsiialyq pýnktterde barlyǵy 106 meditsinalyq pýnkt ashyldy, onyń ishinde búginde Aqtóbe, Batys Qazaqstan, Qostanai, Soltústik Qazaqstan oblystarynda, Mańǵystaý oblysynda Atyraý oblysynyń evakýatsiialanǵan turǵyndary úshin 59 meditsinalyq post jumys isteýde.
Sý tasqyny bastalǵannan beri meditsinalyq jáne meditsinalyq-psihologiialyq kómek kórsetý úshin 2100 meditsina qyzmetkeri, onyń ishinde 299 dáriger, 90 psiholog tartyldy. Evakopýnktterde meditsinalyq jáne meditsinalyq-psihologiialyq kómek kórsetýge 742 meditsina qyzmetkeri, onyń ishinde 143 dáriger, sondai-aq 69 psiholog tartyldy.
Sý tasqyny bastalǵannan beri sý basqan aimaqtardan sozylmaly aýrýlary bar 1360 jýyq adam evakýatsiialandy. Olardyń árqaisysy meditsina qyzmetkerleriniń baqylaýynda, dári-dármektermen qajetti kólemde qamtamasyz etilýde.
Sý tasqyny saldarynan zardap shekken 2 myńnan astam adamǵa psihologiialyq kómek kórsetildi.
Tabiǵi apattyń barlyq kezeńinde sý basqan eldi mekenderden 422 júkti áiel evakýatsiialandy, 405 bosandyrý sátti júzege asyryldy, barlyq sábiler men analar patronajdyq qyzmetterdiń qamqorlyǵynda.
Infektsiialyq aýrýlardyń týyndaýynyń aldyn alý maqsatynda sanitariialyq-epidemiologiialyq qyzmettiń jumysy kúsheitilgen jumys rejimine aýystyryldy.
Sanepidqyzmetter sýmen jabdyqtaý kózderine kúndelikti kúsheitilgen monitoring pen baqylaýdy júrgizýde. Sý tasqyny bastalǵannan beri sanitariialyq-himiialyq jáne mikrobiologiialyq kórsetkishterge 10 myńnan astam aýyz sý synamasyn irikteý jáne zertteý júrgizildi.
Jalpy, sáikes kelmeitin synamalar boiynsha kórsetkish - ortasha respýblikalyq jyldyq kórsetkish sheginde.
Budan basqa, barlyq evakýatsiialyq pýnktterde zardap shekkenderdi sýmen qamtamasyz etý, tamaqtandyrý, turý jáne turmystyq qyzmet kórsetý jaǵdailaryn baqylaý qamtamasyz etiledi, SES qyzmetkerleriniń táýlik boiy kezekshiligi qamtamasyz etiledi.
Sý tasqyny bastalǵannan beri evakopýnktterde 3 myńnan astam sý men tamaq ónimderiniń synamalary alyndy. Evakýatsiialanǵan adamdardyń arasynda ishek jáne basqa infektsiialar aýrýlary tirkelgen joq.
