- Bas áskeri prokýratýra Sý-27 joiǵyshynyń apatqa ushyraý faktisi boiynsha QR Qylmystyq kodeksiniń 464-babynda kórsetilgen quqyq buzýshylyq boiynsha (Ushý nemese ushýǵa daiyndyq quqyqtaryn buzý) sotqa deiingi tergeýdi bastady.
«Bas áskeri prokýratýranyń arnaiy prokýrory S.A.Syrlybaevtyń jetekshiligimen Taldyqorǵan garnizonynyń áskeri politsiia bóliminiń jáne QR IIM Ońtústik aimaqtyq áskeri-tergeý basqarmasynyń qyzmetkerlerinen jedel-tergeý toby quryldy», - delingen habarlamada.
"Dál qazir Sý-27 ushqyshy Ádilbek Ysqaqov áskeri aýrýhanada jatyr. Dárigerlerdiń aitýynsha, onyń jaǵdaiy qanaǵattanarlyq, esh jeri synbaǵan", - deidi QR Qorǵanys ministrliginiń ókilderi.
Qazirgi ýaqytta oqiǵa sebepterin anyqtaýǵa baǵyttalǵan tergeý sharalary júrgizilip jatyr. Sotqa deiingi tergeý nátijesi men qabyldanǵan protsessýaldyq sheshim týraly tolyǵyraq aitylatyn bolady.
Eske sala ketsek, 21 jeltoqsanda Taldyqorǵan mańynda túngi jaǵdaida oqý ushýyn oryndaý kezinde aviatsiialyq qaqtyǵystyń saldarynan QR Qorǵanys ministrligi 21751 áskeri bóliminiń Sý-27 ushaǵy apatqa ushyrady.
Ult portaly
