Foto: needpix.com
Mas kúiinde stiýardessany urǵan qazaqstandyq ánshige qatysty qandai sheshim shyqqany belgili boldy. Bul týraly Ishki ister ministrligi Ákimshilik politsiia komitetiniń tóraǵasy Qaisar Sultanbaev aitty, - dep habarlaidy Massaget.kz portaly.
Vedomstvo ókiliniń aitýynsha, kináli azamat jaýapkershilikke tartylǵan.
"2024 jylǵy 17 qańtarda Astana qalasynyń mamandandyrylǵan aýdanaralyq ákimshilik sotynyń qaýlysymen azamat Nurymbetov ákimshilik quqyq buzýshylyq jasaǵany úshin kináli dep tanylyp, 15 AEK nemese 55 380 teńge ákimshilik aiyppul túrinde jaýapkershilikke tartyldy", - dedi ol OKQ-da ótken brifingte.
Sultanbaev oqiǵanyń bir jyl buryn bolǵanyn eske saldy.
"Iá, shynynda da mundai fakt boldy. Kináli Nurymbetov 1982 jyly ómirge kelgen, Astana qalasynyń turǵyny. Tselinograd oblystyq mádeniet úiinde jumys isteidi. Ol mas kúiinde qoǵamdyq tártipti buzǵan", - dedi komitet tóraǵasy.
Eske sala ketsek, 18 jeltoqsanda BAQ-ta FlyArystan jolaýshysy, kópshilikke tanymal ánshi jáne akter áýekompaniianyń stiýardessasyna fizikalyq kúsh qoldanyp, agressiia kórsetti degen aqparat taraǵan bolatyn. Jolaýshy syrt kiiminiń bagaj sóresinde myjylǵanyna narazy ekenin aitqan. Sodan keiin stiýardessa jolaýshynyń syrtqy kiimin qol júginiń ústine qoiýǵa kómektespek bolady, biraq jolaýshy odan kúrtesin tartyp alyp, stiýardessanyń mańdaiynan urǵan.
