Qazaqstannyń joǵary oqý oryndary men kolledjderinde stýdenttik biletter elektrondy formatqa aýystyryldy, dep habarlaidy "Ult aqparat".
QR Bilim jáne ǵylym ministrliginen málim etkendei, qujat «eGov» saitynda jáne «eGov mobile» mobildik qosymshasynda qoljetimdi.
Jeke elektrondyq qujattardy saqtaý boiynsha «Tsifrlyq qujattar» servisi «eGov mobile» elektrondyq úkimet qosymshasynyń basty betinde ornalastyrylǵan. Stýdenttiń basqa da jeke qujattarymen birge elektrondy stýdenttik bileti osy servistiń ishinde ornalastyrylǵan. Mobildi qosymshany Google Play jáne AppStore arqyly júktep alýǵa bolady. Qosymshada ETsQ nemese birrettik qupiia sóz arqyly avtorizatsiiadan ótý qajet.
«Barlyq joǵary oqý oryndary men kolledjder qaǵaz túrindegi stýdenttik biletterge qyrýar qarajat jumsaidy. Ortasha eseppen árbir stýdenttik bilet 1000-1200 teńge turady. Stýdenttik jeńildikterdi paidalaný barysynda qaǵaz qujattardyń shynaiylyǵyn rastaý qiyndyq týdyryp jatatyny belgili. Al «eGov mobile» mobildi qosymshasynda qujattyń shynaiylyǵyn elektrondyq úkimet rastaidy. Sondyqtan stýdenttik biletterdi sandyq formatqa aýystyrý aqsha únemdep qana qoimai, sonymen qatar stýdent mártebesin rastaý kezinde yńǵaily bolyp tabylady», — dedi Bilim jáne ǵylym vitse-ministri Rústem Biǵari.
