Foto ©️ Tengrinews.kz / Turar Qazanǵapov
Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin endi joǵary oqý ornyna túsken jastar áskerden avtomatty túrde bosatylatynyn aitty, dep habarlaidy Sputnik Qazaqstan.
Buǵan deiin jylda 106 myń stýdent oqý ornynan nemese emhanadan anyqtama alyp, áskeri komissariatqa tapsyrýǵa eki apta jumsaityn.
"Endi stýdent statýsyn dáleldeýdiń qajeti joq. Úsh ministrliktiń bazasyn integratsiialap, stýdentter anyqtama jinamai-aq avtomatty túrde áskerden bosatylady", - dedi Mýsin Úkimettiń búgingi otyrysynda.
Budan bólek, notariýstar jazyp beretin senimhattardyń 5 paiyzy tsifrlyq formatqa aýystyryldy. Avtokólikti tirkeýdiń 55 protsenti onlain formatta jasalady. Al "Elektrondy úkimet" portaly ár azamatty týǵan kúnimen quttyqtap, qujattardyń merzimi aiaqtalyp qalǵany týraly aldyn-ala habarlaýdy bastaǵan.
