Foto:depositphotos.com
Almatydaǵy joǵary oqý oryndarynyń birinde stýdent qyzdardyń jeke derekteri tarap ketti. Ǵylym jáne joǵary bilim ministri Saiasat Nurbek oqiǵaǵa qatysty pikir berdi, - dep habarlaidy «Ult aqparat» Tengrinews.kzke silteme jasap.
"WhatsApp jelisindegi 190 adamnan turatyn starostalar tobynda stýdent qyzdardyń tizimi bar 4 qujat jiberilgen (1-kýrstan 4-kýrsqa deiin). Qyzyl túspen belgilengender fliýorografiiadan ótýi kerek eken. Qarapaiym tizim bolsa ne kerek, onda qyzdardyń tolyq aty-jóninen basqa olardyń JSN, uialy telefondary jáne meditsinalyq derekteri bolǵan. Sondai-aq, olardyń qaisysy virgo (ginekologiialyq tilmen aitqanda - pák), qaisysy virgo emes ekeni týraly aqparat bar. Qujattar toptarǵa, fakýltetterge jáne t.b. chattarǵa tarap ketken. Bálkim, ony búkil ýniversitet kórgen shyǵar", - delingen jazba Qumash Telegram-arnasynda paida boldy.
Ministr Saiasat Nurbek jýrnalisterge oqiǵadan habardar ekenin aitty.
"Jeke derekterdi, ásirese meditsinalyq sipattaǵy derekterdi berý, árine, zańdy buzý bolyp tabylady. Biz bul máseleni baqylaýǵa aldyq, óitkeni bul jerde tikelei zańbuzýshylyq bar. Kináliler qoldanystaǵy zańnama boiynsha jazalanady. Bul týraly zań bar. Jeke derekterdi qorǵaý týraly zań bar. Bul ákimshilik quqyq buzýshylyq bolýy múmkin.
Sirá, bul jeke derekterge nemquraily qaraý. Bul máseleni qatań retteý kerek. Jalpy, bul mádeni másele. Tipti jeke kýálikti de messendjer arqyly jiberemiz", - dedi Ǵylym jáne joǵary bilim ministrliginiń basshysy.
