Strategiialyq salalarda ulttyq jobalar qurylady. Bul týraly búgin Úkimet otyrysynda QR Premer-Ministri Asqar Mamin aitty, dep habarlaidy "Ult aqparat".
«Memleket basshysy Qazaqstandy damytýdyń 2025 jylǵa deiingi ulttyq josparyn bekitti. Onyń negizgi basymdyǵy «myqty ekonomika» qurý bolyp aiqyndaldy. Strategiialyq salalarda ulttyq jobalar qurylatyn bolady. Munda óńdeý sektoryna erekshe nazar aýdarylǵan. Sondyqtan óndiristik protseske jańa tehnologiialardy engizý boiynsha álemdik trendterdi eskerý mańyzdy», - dedi Úkimet basshysy.
Osy oraida Asqar Mamin Indýstriia jáne infraqurylymdyq damý ministrligine «Báiterek» holdingimen birlesip, tsifrlyq innovatsiialyq sheshimderdi paidalanatyn kásiporyndardy qosymsha yntalandyrý is-sharalaryn qarastyrýdy tapsyrdy.
«Sondai-aq ónimdiligi joǵary sektorlarǵa jumys kúshin kóshirýdi yntalandyrý boiynsha is-sharalar qabyldaýdy tapsyramyn», - dedi Premer-Ministr.
