Aqparat jáne qoǵamdyq damý ministrliginiń qoldaýymen ashylǵan Stopfake.kz resýrsy 100-den astam jalǵan habardy áshkereledi, dep habarlaidy "Ult aqparat".
«Jańa aqparattyq resýrs jumysyn bastaǵan 2 ai ishinde 91 jalǵan habarlama teriske shyǵaryldy, 37 taqyryp boiynsha túsinikteme berildi. Jalǵan aqparattar men jańalyqtardyń, burmalanǵan málimetterdiń basym bóligi meditsina taqyryby men áleýmettik media alaiaqtyqpen bailanysty boldy» dep málim etti ministrlikten.
Stopfake.kz jobasynyń ózi jelide jalǵan aqparattyń taralýyn toqtatý jáne shatasý men túsinbeýshilik deńgeiin tómendetý, sonymen qatar oqyrmanǵa syni oilaýdyń mańyzyn eske salý úshin jasaldy.
Aqparattyq portaldyń Telegram-daǵy adresi - t.me/stopfake_kz. Sondai-aq, kez kelgen derektiń durys-burystyǵyn tekserý úshin redaktsiianyń +7 707 739 5599 WhatsApp nómirine habarlama jiberýge bolady.
